Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Almaty oblysynda «Otbasy Fest» otbasylyq festivali ótti

Dalanews
Almaty oblysynda «Otbasy Fest» otbasylyq festivali ótti
Almaty oblysynyń ortalyǵy Qonaev qalasynda «Otbasy Bank» pen «KazSMU» qurylys kompaniiasynyń uiymdastyrýymen Qonaev Otbasy Fest sharasy ótti. Ondaǵy maqsat el arasynda otbasy qundylyqtaryn nasihattap, qarjylyq saýattylyqty arttyrý.

Aýqymdy festival dúniejúzilik jinaqtaý kúni men «Otbasy bank»-tiń 20 jyldyq mereitoiynyń qurmetine uiymdastyryldy.

Aitýly keshtiń ashylýynda «Alataý jastary» men «Diplommen aýylǵa» baǵdarlamalary boiynsha baspanaly bolǵan Almaty oblysynyń turǵyndaryna turǵyn úi kiltteri saltanatty túrde tabystaldy.

– Byltyr, «Alataý jastary» jobasyn iske qostyq. Bul rette, Almaty oblysynda  tirkeýde turǵan, kemi 1 jyl boiyna oblys aýmaǵynda jumys jasaǵan jastarǵa páter kiltteri berildi. Budan bólek, biyldan bastap, «Diplommen aýylǵa» baǵdarlamasy boiynsha zaem alý bizdiń bank arqyly iske asyrylady. Búgin birshama azamattar bul baǵdarlama boiynsha da armandaǵan páterlerine qol jetkizip otyr, – deidi Alfiia Hasanova.



Aita keteiik, ótken jyly «Alataý jastary» baǵdarlamasyna Almaty oblysyna 600 mln teńge bólingen edi. Igilikti jobanyń sheńberinde 50 adam baspanaly bolyp úlgergen. Keler jyly joba qarqyn alsa, bir páterge bólinetin qarjy quny 10 mln teńgeden 18 mln teńgege deiin ósedi dep josparlanyp otyr, sáikesinshe, turǵyn úi alýshylar sany da artpaq.


Sondai-aq sharaǵa qatysqan «Kaz SMU» qurylys kompaniiasy «Otbasy bankimen» birge «Óz úiim» baǵdarlamasy negizinde ortaq kelisimshartqa otyrǵanyn habarlady.  Bank salymshylary atalǵan kompaniia salǵan úilerdi bastapqy 30 jáne 50 paiyzdyq alǵashqy jarnamen ala alady. Sharshy metri 350 myń teńgeni quraityn bul páterler Qonaev qalasyn Almaty shaharymen jalǵaityn kúre joldyń boiynda ornalasqan.

Sonymen qatar atalmysh qurylys kompaniiasy óz qyzmetkerlerine páter alýǵa járdemdesý maqsatymen  «Korporativtik» baǵdarlama aiasynda seriktestik ornatqan eken. Jobanyń ereksheligi sol, kompaniia óz jumysshylaryna páter alýǵa qajetti bastapqy jarnany ózderi beredi. Sol arqyly qyzmetkerlerdiń baspanaly bolýyna yqpal etedi.

Jalpy 5000 astam kórermen jinalǵan keshte Otbasy bank menedjerleri turǵyn úi baǵdarlamalary jaiynda keńinen aqparat taratty. Sonymen qatar, festivalde estrada juldyzdary Raim, Bonapart pen Qanai óner kórsetti. Ánshiler tanymal hit inderin shyrqap, jinalǵandyń kóńilin kóterdi.

 
Almaty oblysy Diplommen aýylǵa "Otbasy bank" Óz úiim Alataý jastary Bonapart Madina Sádýaqasova Raim Qonaev Otbasy Fest

Oqi otyryńyz