Aldaǵy eki jyl ishinde Almaty oblysynda Qytaidyń YTO Express kompaniiasy Ortalyq Aziiadaǵy eń iri mýltimodaldy logistikalyq habty salýdy josparlap otyr. Jańa ortalyq kompaniianyń Birikken Arab Ámirlikteri, Vengriia, Tailand, Braziliia, Efiopiia jáne Amerika Qurama Shtattaryndaǵy habtaryn qamtityn jahandyq kólik jelisiniń bir bóligine ainalady, – dep habarlaidy Dalanews.kz.
Jobanyń tanystyrylymy Almaty oblysynyń ákimi Marat Sultanǵaziev pen YTO Express basqarma tóraǵasy Iýi Veitsziao myrzanyń kezdesýi barysynda ótti. Kezdesý aiasynda taraptar yntymaqtastyqtyń bolashaǵyn jáne jańa habtyń negizgi parametrlerin talqylady. Atalǵan joba óńirdiń logistikalyq infraqurylymyn túbegeili ózgertip, taýar jetkizý úderisin jedeldetýge yqpal etpek.
Oblys ákimi Marat Sultanǵaziev jobanyń elimiz úshin strategiialyq mańyzyn atap ótti.
– Logistikalyq habtyń qurylysy – tek Almaty oblysy emes, búkil Qazaqstan úshin mańyzdy bastama. Bul óńirdiń júk óńdeý, suryptaý jáne jetkizý múmkindikterin keńeitip, ekonomikalyq áleýetin arttyrady. Biz osyndai aýqymdy jobanyń sátti júzege asýyna barynsha qoldaý kórsetýge daiynbyz, – dedi óńir basshysy.
Joba óziniń aýqymy men júzege asyrý deńgeii boiynsha erekshe nazar aýdarady. Mysaly, kompaniianyń Qytaidyń Tsziasin qalasyndaǵy basty logistikalyq ortalyǵy shamamen 100 gektar aýmaqty alyp jatyr jáne 100 júk ushaǵyn qabyldai alady. Kompaniianyń jyldyq júk ainalymy 2,5 million tonna deńgeiinde bolmaq. Jospar boiynsha, 2026 jylǵa deiin jahandyq jetkizý jelisi tolyq qalyptasyp, oǵan Qazaqstandaǵy hab ta qosylady.
YTO Express – Qytaidaǵy ekspress jetkizý salasyndaǵy jetekshi logistikalyq kompaniialardyń biri. Qazirgi tańda kompaniiada 500 myńnan astam qyzmetker jumys isteidi. Sondai-aq, kompaniianyń ieliginde 19 júk ushaǵynan turatyn jeke áýe floty men birneshe myńdaǵan júk kóliginen turatyn avtopark bar. Bul faktorlar YTO Express-tiń búkil álem boiynsha logistikalyq qyzmetterdi joǵary jyldamdyqpen jáne senimdi túrde kórsetýine múmkindik beredi.
Kompaniia basqarma tóraǵasy Iýi Veitsziao Qazaqstan tarapynan kórsetilgen qoldaý úshin rizashylyǵyn bildirdi.
– Jobany júzege asyrýdyń alǵashqy kezeńinen bastap biz Qazaqstannyń tiisti ministrlikteri men Almaty oblysy ákimdiginen úlken qoldaý aldyq. Biz bul jobanyń mańyzyn jaqsy túsinemiz jáne Ortalyq Aziiadaǵy habty barynsha qysqa merzimde iske qosýǵa tyrysamyz. Jobanyń kúrdeliligine qaramastan, biz ony 2–3 jyl ishinde sátti aiaqtai alamyz dep senemin, – dedi ol.
