– Biyl biz Memleket Basshysynyń «Halyq birligi jáne júieli reformalar – el órkendeýiniń berik negizi» Joldaýynyń aiasynda pandemiiadan keiin ekonomikanyń ósýin qalpyna keltirý, investitsiia tartý jáne halyqtyń tabysyn arttyrý jumystaryn jalǵastyryp kelemiz, – dep atap ótti Amandyq Batalov.
Onyń aitýynsha, 10 aidyń ishinde qýaty 1,2 mln tonna, investitsiia kólemi 47 mlrd. teńge bolatyn «Alatsem» tsement zaýyty iske qosylǵan. Sondai-aq, alkogolsiz sýsyndar shyǵaratyn «Pure Pack» zaýyty jumysqa kiristi (qýaty 100 mln litr). Jyl sońyna deiin jemis-kókónis ónimderin óndiretin jáne tereń muzdatatyn «Frosco» kásipornyn (7,2 myń tonna), qurylys materialdaryn óndiretin «Aliýgal» (jylyna 6 myń tonna) jáne «Aziia temir LTD» (10 myń tonna) zaýyttaryn iske qosý josparlanýda.
Qazirgi kezde oblysta «Koka-Kola», «RG BRANDS», «Hamle», «Filip Morris», «Djei Ti Ai», «Fýd Master», «Danone», «Adal», «Knaýf-Gips», «Alatsem», «Effes» siiaqty iri brendtik kásiporyndar jumys istep tur. Transulttyq kompaniialardyń respýblika boiynsha 19 jobasynyń ishinde jalpy investitsiia somasy 290 mlrd.teńgeni quraityn 9 joba oblysta iske asyrylýda. Olardyń ishinde tórt joba – «Mareven Fýd», «Lýkoil», «Willo», «Fýd Mills» júzege asty. Bulardyń barlyǵy joǵary tehnologiialyq jáne eksportqa baǵdarlanǵan.
– Jyl sońyna qarai ónerkásip óniminiń kólemi 1 trln. 300 mlrd. teńgeden asady, shikizattyq emes eksport 6 paiyz ósimmen 392 mln AQSh dollaryna jetedi. Bul Elbasynyń tapsyrmasyna sáikes qabyldanǵan Indýstriialyq-innovatsiialyq damý baǵdarlamasynyń arqasynda múmkin boldy, – dedi oblys basshysy Amandyq Batalov.
