Sharaǵa Almaty oblysy ákimi Marat Sultanǵaziev, «AlES», «Samuryq-Energo» kompaniialarynyń ókilderi, ardager energetikter, Dinmuhamed Qonaevtyń nemeresi Eldar Qonaev qatysty.
Eskertkishtiń qyzyl lentasyn óńir basshysy jáne «Samuryq-Energo» AQ-nyń basqarma tóraǵasy Tútebaev Serik, ardager energetik Esbergen Ábiltaiuly qidy.
– Qurmetti jerlester, sizderdi Ulttyq merekemiz – Respýblika kúnimen shyn júrekten quttyqtaimyn! 2022 jyl Dinmuhamed Ahmetulynyń 110 jyldyǵymen qatar Qapshaǵai sý elektr stantsiiasynyń jobasynyń avtory, Qazaqstanda energetika ǵylymynyń negizin qalaýshy Shapyq Shókinniń 110 jyldyǵy jáne kórnekti memleket qairatkeri Asanbai Asqarovtyń 100 jyldyǵymen erekshelenip otyr. Óńirimizdiń órkendeýine ólsheýsiz úles qosqan birtýar azamattardyń eńbekterine laiyqty baǵa berilip, memorialdy eskertkish ashyldy. Ata-babamyz ańsaǵan egemendigimiz eńseli, bolashaǵymyz baiandy bolsyn! – dedi alǵashqy sózdi alǵan Marat Sultanǵaziev.
Saltanatty jiyn barysynda aimaq basshysy Almaty oblysynyń Qurmet gramotasymen birqatar mamandardy marapattady. Olardyń qatarynda «Almaty elektr stantsiialary» (AlES) AQ-nyń basqarma tóraǵasy Erlan Qyrqynbaev, «AlES» AQ-na qarasty Shapyq Shókin atyndaǵy Qapshaǵai GES direktory Murat Kárimov jáne Qapshaǵai GES-niń elektromonteri Marat Qarashashov boldy.
Memleket jáne qoǵam qairatkeri, Dinmuhamed Qonaevtyń nemeresi Eldar Qonaev bolsa Erlan Qyrqynbaevqa «Qonaevtyń 110 jyldyǵy» merekelik medalin tabys etti.
– Bul jerdiń tarihy tereńde jatyr. Aita ketsek, Shapyq Shókin Ile arnasyn bógep, aǵysy qatty ózen boiynda GES salý kerektigin aityp, úlken jobany qorǵap shyqty. Sodan keiin bul ideia sol kezdegi Qazaqstannyń basshysy Dinmuhamed Qonaevqa unap, GES qurylysy bastalyp ketti. Al alǵashqy tasy 1969 jyly qalanǵany – bárimizge belgili. Ile ózeni boiynda elektro stantsiia salynyp qana qoimai, qazirde oblys ortalyǵyna ainalǵan qala boi kóterdi. Sol sebepti de búgin biz úshin bir emes birneshe merekeniń basy osy jerde toǵysty desek bolady, – dedi ardager energetik.
Aýqymdy is-sharanyń sońy kontserttik baǵdarlamaǵa ulasty. Oblys ákimi Marat Sultanǵaziev bolsa «AlES» kompaniiasynyń jumysymen tanysty.
