Almaty oblysynyń aýmaǵynda 780 memlekettik organ qyzmet atqarýda. Oblystyń memlekettik qyzmetshileriniń shtattyq sany 7760 birlikti quraidy. Ótken jyldyń qorytyndysy boiynsha oblys kóleminde ishki konkýrstardyń qorytyndysy boiynsha jalpy 323 memlekettik qyzmetshi taǵaiyndaldy.
Qazaqstan Respýblikasy Memlekettik qyzmet isteri agenttiginiń Almaty oblysy boiynsha departamentiniń basshysy Lázzat Beisequlovanyń aitýynsha, aýyldaǵy memlekettik qyzmettiń tartymdylyǵyn arttyrý, bilikti kadrlardy tartý maqsatynda aýyldyq eldi mekenderde turyp jumys isteitin memlekettik qyzmetshilerge «Diplommen aýylǵa» jobasy aiasynda 100 AEK mólsherinde kóterme járdemaqy tóleý jáne 1500 AEK mólsherinde turǵyn úige biýdjettik kredit berý túrinde qoldaý kórsetiledi.
"Departament turaqty negizde áleýmettik jelilerge, aqparattyq jáne jańalyqtar portaldaryna Oblystyń memlekettik qyzmetshilerine qatysty jaǵymsyz jariialanymdarǵa monitoring júrgizedi, sol arqyly buqaralyq aqparat quraldary arqyly qoǵammen keri bailanys ornatady. Monitoring qorytyndysy boiynsha, oblystyń memlekettik organdarynyń qyzmetkerlerine qatysty 2020 jyly teris sipattaǵy 37 material anyqtaldy, onyń 16-sy rastaldy, qorytyndysy boiynsha barlyǵy tártiptik jaýapkershilikke tartyldy", - dedi Lázzat Beisequlova.
Sonymen qatar, basshy qazir memlekettik qyzmetshilerge ruqsat etilgen syilyqtyń shegi zańmen alynyp tastalǵanyn atap ótti. Memlekettik qyzmetshige jáne onyń otbasy múshelerine kelip túsken barlyq syilyqtar, tipti olar bilmei kelip túsken syilyqtardy qosa alǵanda, kúntizbelik jeti kún ishinde memleketke berilýge tiis.
«Ózderińiz bilesizder, memlekettik qyzmetshilerge memlekettik fýnktsiialardy oryndaýǵa bailanysty syilyqtar alýǵa zańnamada tyiym salynǵan. Sonymen qatar, Azamattyq kodekste quny 10 AEK-ten asatyn syilyqtar berýge ruqsat etilmegen»,-deidi departament basshysy.
Búginde Prezident tapsyrmasyn iske asyrý aiasynda memlekettik qyzmetterdi elektrondyq formatqa kóshirý boiynsha belsendi jumystar júrgizilýde. Máselen, Almaty oblysynda qyzmet kórsetýshilermen 386 Memlekettik qyzmet túri kórsetiledi, onyń ishinde elektrondyq qyzmetterdiń úlesi shamamen 87% - dy quraidy.
Atalǵan departament, budan ózge "Egov jarshysy", "Servistik ákimdik" ákimdik syndy iri jobalardy júzege asyrǵan. Ait keteiik, atalǵan bastama respýblika boiynsha alǵash ret qolǵa alynǵan bolatyn. Sondai-aq, memlekettik qyzmettiń áleýetin arttyrý úshin 2018 jyly Jetisý ýniversitetimen eki jaqty memorandýmǵa qol qoiylǵan edi. Nátijesinde «Jetisý» memlekettik qyzmet mektebi jumys jasap keledi.
Oryn alyp jatqan oń ózgeristerge qaramastan, kyzmetterge suranystyń jyl saiyn artýymen olardy kórsetý sapasyna tiisti baqylaýdy qamtamasyz etýdiń ózektiligi saqtalýda.
Ókinishke orai, 2020 jyly Departamentpen memlekettik qyzmet kórsetý salasynda 48 tekserý is-sharasy júrgizilip, 55 qyzmetker tártiptik jaýapkershilikke tartylǵan.
