2020 jyldyń 1 sáýirinen bastap 2020 jyldyń 30 maýsymyna deiingi aralyqta QR tótenshe jaǵdai kezeńinde 13 tabiǵi monopoliialar sýbektileri halyq úshin tarifterdi tómendetti, bul rette sýmen jabdyqtaý jáne sý burý qyzmetterine 4 tabiǵi monopoliialar sýbektileri jáne jylýmen jabdyqtaý jáne ystyq sýmen jabdyqtaý qyzmetteri boiynsha 4 tabiǵi monopoliialar sýbektileri 3-ten 10%-ǵa deiin tómendedi. Bul týraly «Jetisy Media aqparattyq alańynda ótken baspasóz-máslihatynda málim boldy.
Óńirdi gazben qamtamasyz etetin 4 kásiporynnyń tarifi 0,8-den 1,7%-ǵa deiin tússe, «Jetisý Energotreid» JShS elektr energiiasynyń qunyn 2,9%-ǵa azaitty.
– TMS-nyń investitsiialyq baǵdarlamalardyń oryndalýy jáne tariftik smetalardyń oryndalýy týraly esepterin taldaý nátijeleri boiynsha tutynýshylardyń quqyqtaryn qorǵaý maqsatynda departamenttiń 44 buiryǵy boiynsha tutynýshylardan negizsiz alynǵan tabystyń jalpy somasy 1 211 001,84 myń teńgege, onyń ishinde investitsiialyq baǵdarlamalar boiynsha 115 013,52 myń teńgege jáne tariftik smetalardyń oryndalý esepteri boiynsha 1 095 988,32 myń teńgege ýaqytsha ótemdik tarifter (budan ári- ÝÓT) engizildi. Osy jumystyń nátijesinde tarifterdiń tómendeýi 0,17-den 20,47%-ǵa deiin qurady, – deidi Tabiǵi monopoliialardy retteý komitetiniń Almaty oblysy boiynsha departamentiniń basshysynyń orynbasary Dýman Qalibekov.
Taldyqorǵan jáne Almaty óńirlerin energiiamen jabdyqtaý úshin elektr energiiasynyń ortasha tarifiniń «halyq» toby úshin tiisinshe 3 jáne 7,9%-ǵa kóterilgenine qaramastan, ol ózgergen joq.
Sonymen qatar, tabiǵi monopoliialar týraly zańnamanyń saqtalýyn baqylaý boiynsha eleýli jumys júrgizilýde. 2020 jyly 40 ákimshilik quqyq buzýshylyq týraly is qozǵaldy. Salynǵan aiyppuldardyń jalpy somasy – 10 010 565 teńgeni qurady. Ákimshilik quqyq buzýshylyq týraly 7 hattama sotqa qaraý úshin jiberildi.
Aita keteiik, Memleket basshysy men QR Úkimetiniń tapsyrmalaryn oryndaý aiasynda departamentpen 2021 jyldyń sońyna deiin bazalyq sýbektilerdiń «halyq» sanaty úshin jylýmen, sýmen jabdyqtaý, sý burý, gazdandyrý jáne elektr energiiasyn tasymaldaý qyzmetterine tarifter ósken joq, iaǵni 2020 jyldyń tóńireginde qalady.
Aita ketetin taǵy bir másele, «Jetisý Energotreid» JShS-gi aǵymdaǵy jyldyń 1 qańtarynan bastap, barlyq top sanattary úshin tarifti 1,1% paiyzǵa deiin óz erkimen tómendetti.
