Almaty oblysynda kásipker seriktesin óltirip, kóligimen birge órtep jibergen, – dep habarlaidy Dalanews.kz "KTK" telearnasyna siltep.
Telearna málimetinshe, janyp ketken kólik pen ishindegi máiit Qarasai aýdanyndaǵy demalys orny mańynan tabylǵan. Oqiǵa ornynda órtke oranǵan kóliktiń bólshekteri ǵana qalǵan.
Politseiler qylmystyq is qozǵap, kóp uzamai 43 jastaǵy kúdiktini ustady. Qazir ol ýaqytsha ustaý izoliatorynda.
"Jedel izdestirý is-sharalary barysynda 43 jastaǵy kúdikti ustalyp, qamaýǵa alyndy. Qazir qylmystyń barlyq mán-jaiyn zertteýge baǵyttalǵan tergeý júrgizilip jatyr", - dedi Almaty oblysy PD resmi ókili.
Málimetterge qaraǵanda, eki er adam ortaq kásipterine bailanysty janjaldasyp qalǵan. Iaǵni júk tasymaldaýmen ainalysatyn seriktester tabystaryn bólise almasa kerek. Keiin kúdikti seriktesin balǵamen uryp, ile-shala kóligimen qosa órtep jiberipti.
Aita keteiik, er adamnyń kinási dáleldense, oǵan 15 jylǵa deiin bas bostandyǵynan aiyrylý jazasy tónip tur.
