الماتى وبلىسىندا كاسىپكەر سەرىكتەسىن ءولتىرىپ، كولىگىمەن بىرگە ورتەپ جىبەرگەن، – دەپ حابارلايدى Dalanews.kz "كتك" تەلەارناسىنا سىلتەپ.

تەلەارنا مالىمەتىنشە، جانىپ كەتكەن كولىك پەن ىشىندەگى ءمايىت قاراساي اۋدانىنداعى دەمالىس ورنى ماڭىنان تابىلعان. وقيعا ورنىندا ورتكە ورانعان كولىكتىڭ بولشەكتەرى عانا قالعان.

پوليسەيلەر قىلمىستىق ءىس قوزعاپ، كوپ ۇزاماي 43 جاستاعى كۇدىكتىنى ۇستادى. ءقازىر ول ۋاقىتشا ۇستاۋ يزولياتورىندا.

"جەدەل ىزدەستىرۋ ءىس-شارالارى بارىسىندا 43 جاستاعى كۇدىكتى ۇستالىپ، قاماۋعا الىندى. ءقازىر قىلمىستىڭ بارلىق ءمان-جايىن زەرتتەۋگە باعىتتالعان تەرگەۋ جۇرگىزىلىپ جاتىر"، - دەدى الماتى وبلىسى پد رەسمي وكىلى.

مالىمەتتەرگە قاراعاندا، ەكى ەر ادام ورتاق كاسىپتەرىنە بايلانىستى جانجالداسىپ قالعان. ياعني جۇك تاسىمالداۋمەن اينالىساتىن سەرىكتەستەر تابىستارىن بولىسە الماسا كەرەك. كەيىن كۇدىكتى سەرىكتەسىن بالعامەن ۇرىپ، ىلە-شالا كولىگىمەن قوسا ورتەپ جىبەرىپتى.

ايتا كەتەيىك، ەر ادامنىڭ كىناسى دالەلدەنسە، وعان 15 جىلعا دەيىن باس بوستاندىعىنان ايىرىلۋ جازاسى ءتونىپ تۇر.