Almaty oblysynda karantin jalǵasýda
Qaýlyǵa sáikes, 50 orynnan joǵary qoǵamdyq tamaqtaný obektileri, atap aitqanda: meiramhanalar, kofehanalar, dámhanalar, banket zaldary, fýdkorttar, ashanalar men barlardyń qyzmeti toqtatylǵan. Oblys boiynsha oiyn-saýyq nysandary onyń ishinde túngi klýbtar, kalian barlary, kórmeler, býkmekerlik, biliard, karaoke, PS-klýbtar, kvesttar, antikafe, boýling-ortalyqtar, loto-klýbtar, kompiýterlik klýbtar, saýda nysandaryndaǵy balalardyń oiyn alańdary, jabyq úi-jailardaǵy batýttar, attraktsiondar, sondai-aq kinoteatrlar jumysy da toqtap tur.
Almaty oblysynyń sanitarlyq-epidemiologiialyq baqylaý departamenty basyshysynyń orynbasary Ashat Charapievtiń sózinshe, oiyn mekemeleri, onyń ishinde oiynhana, utys alýdy kózdeitin qumar oiyndar ótkiziletin ǵimarattar, úi-jailar, qurylystardyń da kásibine qatań tiym salynǵan.
Al atalǵan karantindik jáne shekteý sharalaryn buzýshylyqtar anyqtalǵan jaǵdaida Qazaqstan Respýblikasynyń qoldanystaǵy zańnamasy sheńberinde dereý sharalar qabyldanatynyn da eske sala ketti. Ol úshin qoǵamdyq oryndardy patrýldeý boiynsha sharalardy kúsheitý, buqaralyq is-sharalardy ótkizýdi boldyrmaý, ásirese qoǵamdyq tamaqtaný obektilerine erekshe nazar aýdaryp, baqylaýda ustaý kózdelgen.
