Almaty oblysynda bolǵan jol-kólik oqiǵasy saldarynan sheteldik stýdentter kóz jumdy. Bul týraly Qazaqstandaǵy Úndistan elshiligi málimdedi, dep habarlaidy Dalanews.kz.
Oqiǵa 6 qańtarda bolǵan. Kólikte Úndistannyń bes azamaty otyrǵan. Tórteýi Ońtústik Qazaqstan meditsina ýniversitetiniń stýdentteri, al biri - týrist. Olar Shymkentten Almatyǵa jolǵa shyqqan.
"Ókinishke qarai, ekeýi oqiǵa ornynda qaza tapty. Taǵy úsh adam aýyr jaraqat alyp, jansaqtaý bóliminde jatyr. Elshilik marqumdardyń otbasylaryna qaiǵyryp kóńil aitady jáne zardap shekkenderdiń tez saýyǵyp ketýin tileidi", - delingen habarlamada.
Oblystyq politsiia departamentiniń baspasóz qyzmeti apat faktisi boiynsha qylmystyq is tirkelgenin habarlady. Jol apaty Almaty – Bishkek avtojolynyń 86-shy shaqyrymynda bolǵan. Aldyn ala málimetke sáikes, 33 jastaǵy Toyota Alphard júrgizýshisi rólge ie bola almai, kólik aýdarylyp ketken. Júrgizýshi oqiǵa ornynda qaza tapty. Úndistannyń eki azamaty aýrýhanada kóz jumǵan.
