الماتى وبلىسىندا بولعان جول-كولىك وقيعاسى سالدارىنان شەتەلدىك ستۋدەنتتەر كوز جۇمدى. بۇل تۋرالى قازاقستانداعى ءۇندىستان ەلشىلىگى مالىمدەدى، دەپ حابارلايدى Dalanews.kz.
وقيعا 6 قاڭتاردا بولعان. كولىكتە ءۇندىستاننىڭ بەس ازاماتى وتىرعان. تورتەۋى وڭتۇستىك قازاقستان مەديسينا ۋنيۆەرسيتەتىنىڭ ستۋدەنتتەرى، ال ءبىرى - تۋريست. ولار شىمكەنتتەن الماتىعا جولعا شىققان.
"وكىنىشكە قاراي، ەكەۋى وقيعا ورنىندا قازا تاپتى. تاعى ءۇش ادام اۋىر جاراقات الىپ، جانساقتاۋ بولىمىندە جاتىر. ەلشىلىك مارقۇمداردىڭ وتباسىلارىنا قايعىرىپ كوڭىل ايتادى جانە زارداپ شەككەندەردىڭ تەز ساۋىعىپ كەتۋىن تىلەيدى"، - دەلىنگەن حابارلامادا.
وبلىستىق پوليسيا دەپارتامەنتىنىڭ باسپا ءسوز قىزمەتى اپات فاكتىسى بويىنشا قىلمىستىق ءىس تىركەلگەنىن حابارلادى. جول اپاتى الماتى – بىشكەك اۆتوجولىنىڭ 86-شى شاقىرىمىندا بولعان. الدىن الا مالىمەتكە سايكەس، 33 جاستاعى Toyota Alphard جۇرگىزۋشىسى رولگە يە بولا الماي، كولىك اۋدارىلىپ كەتكەن. جۇرگىزۋشى وقيعا ورنىندا قازا تاپتى. ءۇندىستاننىڭ ەكى ازاماتى اۋرۋحانادا كوز جۇمعان.
