Almaty oblysynda Almaty – Kókpek – Kóktal – Shonjy trassasynda bolǵan jol-kólik oqıǵasy tórt adamnyń ómirin qıdy. Bul aqparatty oblystyq polısıa departamentiniń baspasóz qyzmeti habarlady, dep jazady Dalanews.kz.

Aldyn ala málimet boıynsha, Audi A6 júrgizýshisi rólge ıe bola almaı, qarsy jolaqqa shyǵyp ketken. Sol jerde kólik Nissan Cefiro-men soqtyǵysqan. Qatty soqqy eki avtokóliktiń aldyńǵy bóliginen kelgen.

Apat saldarynan eki júrgizýshi men eki jolaýshy oqıǵa ornynda kóz jumdy. Taǵy úsh jolaýshy túrli jaraqat alyp, aýrýhanaǵa jetkizilgen.

Oqıǵa boıynsha qylmystyq is qozǵalyp, sotqa deıingi tergeý bastaldy. Tergeý barysyn departament basshylyǵy baqylaýǵa alǵany habarlandy.