Almaty oblysynda Uly Otan soǵysyndaǵy Jeńistiń 80 jyldyǵy keń kólemde atalyp ótti,- dep habarlaidy Dalanews.kz
Almaty oblysy aýmaǵynda turatyn soǵys ardagerlerine QR Prezidenti Qasym-Jomart Toqaevtyń atynan quttyqtaýlar kelip tústi. Jeńisti jaqyndatqan ardagerlerge ataýly kúnge orai ystyq lebizge toly hattar, estelik syilyqtar jáne Jeńistiń 80 jyldyǵyna arnalǵan merekelik medaldar berildi.
Bul kúngi basty qýanyshty jańalyqtyń biri — beibit ómir syilaǵan soǵys ardagerlerine memleket tarapynan kórsetilgen qamqorlyq pen qurmet retinde Qonaev qalasynda salynǵan turǵyn úilerden demeýshilerdiń atynan baspana kiltiniń tabys etilýi boldy. Sonymen birge, oblys ákimi Marat Sultanǵazievtiń tapsyrmasymen aimaqta turatyn kózi tiri bes soǵys ardagerine bes million teńgeden áleýmettik kómek berildi. Jeńis kúnindegi saltanatty shara oblys ortalyǵyndaǵy «Dańq» memorialyna gúl shoqtaryn qoiýdan bastaldy. Sharaǵa oblys basshylyǵy men ár deńgeidegi máslihat depýtattary, ardagerler uiymy men túrli mekeme ókilderi qatysty.
Saltanatty rásimge soǵys ardagerleri arnaiy kólikpen jetkizildi. Oblystyq tótenshe jaǵdailar departamentiniń orkestri sharany mýzykamen árlep, mereke kórkin qyzdyrdy. Sharaǵa qatysqandardyń arasynda Ekinshi dúniejúzilik soǵys ardagerleri Soltanbai Jaryqbasov pen Alym Kibirov ta boldy.
Soltanbai ata sharada: «Jeńis — bizdiń barshamyzǵa ortaq taǵylymdy tarihymyz, bizdiń ómirimizdiń ózegi ári dańqymyz, abyroi-bedelimizdiń kórinisi!» — dese, al A. Kibirov Jeńistiń qadir-qasietin keiingi jas urpaq jadyna tutyp, sezinip ósse degen tilegin jetkizdi.
«Jeńistiń 80 jyldyq merekesi tek ardagerlerge qurmet kórsetýmen shektelmeidi. Bul kúnniń bolashaq urpaq úshin de mańyzy zor», — dedi oblys ákimi.
Mereke kúni aimaq basshysy ardager Oksana Betebaevaǵa QR Prezidentiniń atynan Quttyqtaý hat, estelikke syilyq usynyp, jańa páter kiltin tabystady.
Merekelik is-sharalar búkil oblystyń búkil aimaǵyn qamtydy. Oblys murajailarynda, kitaphanalarda jáne Mádeniet úilerinde kórmeler, eske alý keshteri men ádebi-tanymdyq kezdesýler uiymdastyryldy.
Máselen, oblystyq kitaphanada qaisarlyq pen batyrlyq taqyrybynda igi shara ótse, al Qarasai aýdanyndaǵy «Atameken» ortalyǵynda jinalǵan qaýym Halyq qaharmany, general-polkovnik Saparǵali Toqpaqbaevtyń taǵylymdy áńgimesin tyńdady.
Jeńis kúnin merekeleý 9 mamyrmen shektelmesi anyq. Oblys jastarynyń bastamasymen «80 jylǵa – 80 igi is» aktsiiasy qolǵa alyndy. Bul aktsiia aiasynda 200-den astam ardagerge kómek kórsetiledi. Eriktiler tyl eńbekkerleri men jalǵyz basty qariialardyń shańyraqtaryna bas suǵyp, úi jinaýǵa jáne aýlasyn abattandyrýǵa qol ushyn sozýda. Mektep oqýshylary men stýdentter úshin de áskeri bólimder men shekara zastavalary otanshyldyq rýhty kóteretin ekskýrsiialar ótkizedi.
Al 10 mamyr kúni Jeńistiń 80 jyldyǵyna orai «Uly dala joryǵy» atty V halyqaralyq marafon ótedi. Aýqymdy jarysqa 500-den astam sportshy qatysyp, 5 myń kórermendi qamtidy dep kútilýde. Sondai-aq, Talǵar aýdanyndaǵy Nura aýylynda báige ótip, jarysta 100-ge jýyq shabandoz óner kórsetti. Jeńis kúnindegi igi shara Raiymbek aýdany Talas aýylyndaǵy soǵys ardagerlerine arnalǵan eskertkishtiń ashylýymen túiindeldi.
