Búgin óńir basshysy Amandyq Batalov ndetpen kúres jolynda kóz jumǵan, eńbegine qaltqysyz berilgen marqumdardyń marapatyn týystaryna tabystady.
Esterińizge sala keteıik, aty jaman indetten Almaty oblysynyń taýarlar men kórsetletin qyzmetterdiń sapasy men qaýipsizdigin baqylaý departamentiniń basshysy – Baımuhambetov Qaırat Qajymanuly men Almaty oblysy Uzynaǵash aýyly Ortalyq aýdandyq aýrýhanasynyń dárigeri – Alashbaev Begalıdın Baıjonuly máńgilik mekenderine attanǵan edi.
Qyzmettik boryshyn úlgili atqarǵany, azamattardyń densaýlyǵyn saqtaýdaǵy janqıarlyq eńbegi úshin QR Prezıdenti Qasym-Jomart Toqaevtiń 2020 jylǵy 13 shildedegi nómiri 370 Jarlyǵyna sáıkes, Qaırat Qajymanuly İİ dárejeli «Barys» ordenimen, Begalıdın Baıjonuly «Qurmet» ordenimen nagrattaldy.
Marapattary marqumdardyń marapaty otbasyna tabystaldy.
– Elimizge kelgen pandemıadan halyqty aman saqtap qalamyz dep olar árdaıym aldyńǵy shepte júrdi. Marqumdar kezinde ózderi qabyldaǵan Gıppokrat antyna adal boldy. Ekeýi de jap-jas, alda qanshama ómirleri bar edi. Ókinishke qaraı, aramyzdan erte ketti. Imany joldas, jatqan jeri jaıly bolsyn. Olardyń erlikteri men esimderi eshqashan umytylmaıdy, – dedi Almaty oblysy ákimi Amandyq Ǵabbasuly.
Sondaı-aq, «Búgingi jaǵdaıǵa beı- jaı qaramańyzdar. Bul oıynshyq emes. Óte aýyr. Saqtyq sharalaryn ustańyzdar. Barshalaryńyzǵa amandyq tileımin» dedi marqum Qaırat Qajymanulynyń jubaıy Gúljan Kamelkanova.
Anar SABYROVA, Almaty oblysy.
