Almaty oblysynda politsiia qyzmetkerin kólikpen súirep ótken júrgizýshi ustaldy, - dep habarlaidy Dalanews.kz.
Almaty oblysynda jol qozǵalysy erejelerin buzǵan júrgizýshi politseidi óz kóligimen súirep ótti. Baiseiit aýylynda senip tapsyrylǵan ýchaskeni baqylaý kezinde patrýldik politsiia batalonynyń qyzmetkerleri, politsiia kapitany Qanat Temirbaev pen Eldar Mahmýdov jol erejesin buzǵany úshin Toyota Ipsum avtokóligin toqtatty.
Hattamany toltyrý kezinde Dostyq aýylynyń 34 jasar júrgizýshisi zańdy talaptarǵa baǵynýdan bas tartty. Politseilerdi elemei, ol kólikke otyryp, kapitan Temirbaevtyń saýsaqtaryn esigimen qysyp qalǵanyna qaramastan, ornynan jyldam qozǵalyp, ofitserdi shamamen 10-15 metr súirep ótti. Politsiia qyzmetkeri tasjoldyń ústine qulap, jaraqat aldy.
Quqyq buzýshy tártip saqshylarynan jasyrynýǵa tyrysty. Oǵan qaramastan, bul áreket nátijesiz bolyp shyqty. Kóp uzamai ol ustalyp, Shelek aýylynyń politsiia bólimine jetkizildi.
Bilik ókiline qatysty kúsh qoldaný faktisi boiynsha qylmystyq is qozǵaldy, al júrgizýshi ýaqytsha ustaý izoliatoryna qamaýǵa alyndy. Sonymen qatar, oǵan jol qozǵalysy erejelerin buzǵany úshin ákimshilik hattama toltyryldy.
Oqiǵanyń barlyq mán-jailaryn anyqtaý úshin tergeý júrgizilip jatyr.
