Almaty oblysynda «Eń úzdik aýyl ákimi» anyqtaldy
Eńbegimen er atanyp júrgen ákimder arasyndaǵy alaman «Halyq únine qulaq asatyn memleket» tujyrymdamasynyń negizinde júzege asty. Ǵalamtory ǵalamat, jelisi júirik qoǵamda, basshylar arasyndaǵy basty básekede qatysýshylardyń áleýmettik jelidegi belsendiligi men turǵyndardyń saýalyna jyldam jaýap berýine basym nazar aýdaryldy.
«Besinshi aimaq» aqparattyq saitynyń direktory Ánýar Aldashevtiń aitýynsha, dál osy aýyl ákimderi memleket pen qoǵamnyń kommýnikatsiiasynda aldyńǵy qatarda tur. Qos tarap «tonnyń ishki baýyndai» bolyp birtutas damýy, el damýynyń negizgi tetigi bolyp tabylady.
«Búgin biz baiqaý jeńimpazdaryn ǵana emes, memleket saiasatyn eń jaqsy túrde júzege asyratyn tabysty basqarýshylardy da marapattaimyz. Jalpy, sáýir aiynan bastap daýys berýge 250 myńnan astam internet jelisin paidalanýshylar qatysty, bul búkil oblys halqynyń 10% - dan astamyn qurady», - dep bólisti Ánýar Aldashev.
Áleýmettik jelidegi daýys berý nátejieleri boiynsha, eliniń baǵyn jandyrý arqyly ózide baqytqa kenelgen jandar jeńimpazdar qatarynan tabyldy. Atqarǵan jumystary el kóńilinen shyqqan bilik ieleri bir degende birneshe marapatty qanjyǵalaryna bailady. Solardyń biri, Eńbekshiqazaq aýdanyna qarasty Rahat aýyldyq okrýginiń ákimi Qýat Aqshabaev. Ol «Úzdik sýmen jabdyqtaý ákimi», «Elektrlendirý boiynsha úzdik ákim», «Halyqpen jumys júrgizý jónindegi úzdik ákim» degen úsh birdei atalymda top jardy.
Al, «Aýyldyq eldi mekendi jaryqtandyrý boiynsha úzdik ákim» jáne «Aýdan tazalyǵy men qatty turmystyq qaldyqtardy shyǵarý boiynsha úzdik ákim» nominatsiiasynyń iesi Eńbekshiqazaq aýdanynyń, Qaratúrik aýyldyq okrýginiń ákimi Aibek Ilebai atandy.
Sonymen qatar, «Almaty oblysynyń úzdik aýdan ákiminiń apparaty» nominatsiiasynda Kóksý aýdany jeńiske jetti.
Saiasattyń surmergenderiniń arasynda óten saiysta, «Almaty oblysynyń áleýmettik jelidegi úzdik aýyl ákimi -2021» ataǵy men 1-dárejeli diplom Máýlen Bazalievqa buiyrdy. Ol Kóksý aýdany, Ainabulaq aýyldyq okrýginiń ákimi qyzmetin atqarady.
Endigide, ákimderdiń reitingteri respýblikalyq, oblys jáne aýdanishilik bolyp bólinetinin bolady. Aldaǵy ýaqytta árbir adam AKIMY.KZ jańa mobildi qosymshasynda aq jaǵalylardyń jumysynyń sapasyn baǵalaýǵa múmkindik alady.
