الماتى وبلىسىندا «ەڭ ٷزدٸك اۋىل ەكٸمٸ» انىقتالدى
ەڭبەگٸمەن ەر اتانىپ جٷرگەن ەكٸمدەر اراسىنداعى الامان «حالىق ٷنٸنە قۇلاق اساتىن مەملەكەت» تۇجىرىمداماسىنىڭ نەگٸزٸندە جٷزەگە استى. عالامتورى عالامات, جەلٸسٸ جٷيرٸك قوعامدا, باسشىلار اراسىنداعى باستى بەسەكەدە قاتىسۋشىلاردىڭ ەلەۋمەتتٸك جەلٸدەگٸ بەلسەندٸلٸگٸ مەن تۇرعىنداردىڭ ساۋالىنا جىلدام جاۋاپ بەرۋٸنە باسىم نازار اۋدارىلدى.
«بەسٸنشٸ ايماق» اقپاراتتىق سايتىنىڭ ديرەكتورى ەنۋار الداشەۆتٸڭ ايتۋىنشا, دەل وسى اۋىل ەكٸمدەرٸ مەملەكەت پەن قوعامنىڭ كوممۋنيكاتسيياسىندا الدىڭعى قاتاردا تۇر. قوس تاراپ «توننىڭ ٸشكٸ باۋىنداي» بولىپ بٸرتۇتاس دامۋى, ەل دامۋىنىڭ نەگٸزگٸ تەتٸگٸ بولىپ تابىلادى.
«بٷگٸن بٸز بايقاۋ جەڭٸمپازدارىن عانا ەمەس, مەملەكەت ساياساتىن ەڭ جاقسى تٷردە جٷزەگە اسىراتىن تابىستى باسقارۋشىلاردى دا ماراپاتتايمىز. جالپى, سەۋٸر ايىنان باستاپ داۋىس بەرۋگە 250 مىڭنان استام ينتەرنەت جەلٸسٸن پايدالانۋشىلار قاتىستى, بۇل بٷكٸل وبلىس حالقىنىڭ 10% - دان استامىن قۇرادى», - دەپ بٶلٸستٸ ەنۋار الداشەۆ.
ەلەۋمەتتٸك جەلٸدەگٸ داۋىس بەرۋ نەتەجيەلەرٸ بويىنشا, ەلٸنٸڭ باعىن جاندىرۋ ارقىلى ٶزٸدە باقىتقا كەنەلگەن جاندار جەڭٸمپازدار قاتارىنان تابىلدى. اتقارعان جۇمىستارى ەل كٶڭٸلٸنەن شىققان بيلٸك يەلەرٸ بٸر دەگەندە بٸرنەشە ماراپاتتى قانجىعالارىنا بايلادى. سولاردىڭ بٸرٸ, ەڭبەكشٸقازاق اۋدانىنا قاراستى راحات اۋىلدىق وكرۋگٸنٸڭ ەكٸمٸ قۋات اقشاباەۆ. ول «ٷزدٸك سۋمەن جابدىقتاۋ ەكٸمٸ», «ەلەكترلەندٸرۋ بويىنشا ٷزدٸك ەكٸم», «حالىقپەن جۇمىس جٷرگٸزۋ جٶنٸندەگٸ ٷزدٸك ەكٸم» دەگەن ٷش بٸردەي اتالىمدا توپ جاردى.
ال, «اۋىلدىق ەلدٸ مەكەندٸ جارىقتاندىرۋ بويىنشا ٷزدٸك ەكٸم» جەنە «اۋدان تازالىعى مەن قاتتى تۇرمىستىق قالدىقتاردى شىعارۋ بويىنشا ٷزدٸك ەكٸم» نوميناتسيياسىنىڭ يەسٸ ەڭبەكشٸقازاق اۋدانىنىڭ, قاراتٷرٸك اۋىلدىق وكرۋگٸنٸڭ ەكٸمٸ ايبەك ٸلەباي اتاندى.
سونىمەن قاتار, «الماتى وبلىسىنىڭ ٷزدٸك اۋدان ەكٸمٸنٸڭ اپپاراتى» نوميناتسيياسىندا كٶكسۋ اۋدانى جەڭٸسكە جەتتٸ.
ساياساتتىڭ سۇرمەرگەندەرٸنٸڭ اراسىندا ٶتەن سايىستا, «الماتى وبلىسىنىڭ ەلەۋمەتتٸك جەلٸدەگٸ ٷزدٸك اۋىل ەكٸمٸ -2021» اتاعى مەن 1-دەرەجەلٸ ديپلوم مەۋلەن بازاليەۆقا بۇيىردى. ول كٶكسۋ اۋدانى, اينابۇلاق اۋىلدىق وكرۋگٸنٸڭ ەكٸمٸ قىزمەتٸن اتقارادى.
ەندٸگٸدە, ەكٸمدەردٸڭ رەيتينگتەرٸ رەسپۋبليكالىق, وبلىس جەنە اۋدانٸشٸلٸك بولىپ بٶلٸنەتٸنٸن بولادى. الداعى ۋاقىتتا ەربٸر ادام AKIMY.KZ جاڭا موبيلدٸ قوسىمشاسىندا اق جاعالىلاردىڭ جۇمىسىنىڭ ساپاسىن باعالاۋعا مٷمكٸندٸك الادى.
