Almaty oblysynda emhanalarǵa 89 jedel járdem, 12 jyljymaly meditsinalyq keshen tabystaldy
Búgin Taldyqorǵan qalasynyń ortalyq alańynda Almaty oblysy ákimi Amandyq Batalov oblystaǵy meditsina uiymdaryna 89 jedel járdem kólikteri men 12 jyljymaly meditsinalyq keshenniń kiltterin saltanatty túrde tabystady.
Bul QR Prezidenti Q.Toqaevtyń Qazaqstan halqyna Joldaýynda aityp ótkendei, elimizdiń shalǵaidaǵy jáne qatynaýy qiyn óńirlerinde turatyn aýyl halqyna sapaly meditsinalyq kómektiń qoljetimdiligin arttyrý tapsyrmasyn oryndaý negizinde iske asyrylyp otyr.
Jedel járdem kólikteriniń 9-y – oblystyq jedel járdem jáne shuǵyl meditsinalyq kómek kórsetý stantsiiasyna, 10-y – Taldyqorǵan qalalyq emhanasyna, 2-ýi – Qapshaǵai qalalyq aýrýhanasyna, 2-ýi – Tekeli qalalyq aýrýhanasyna, Sarqan aýdandyq ortalyq aýrýhanasy, Eskeldi aýdandyq ortalyq aýrýhanasy, Alakól aýdandyq ortalyq aýrýhanasy men Kerbulaq aýdandyq ortalyq aýrýhanasynyń árqaisysyna 2 jedel járdem kóligi men 1 jyljymaly meditsinalyq keshennen, Qaratal aýdandyq ortalyq aýrýhanasyna 1 jedel járdem kóligi men 1 jyljymaly meditsinalyq keshen, Kóksý aýdandyq ortalyq aýrýhanasyna 2 jedel járdem kóligi, Eńbekshiqazaq aýdandyq ortalyq aýrýhanasyna 12 jedel járdem kóligi, Balqash aýdandyq ortalyq aýrýhanasyna 1 jyljymaly meditsinalyq keshen, Jambyl aýdandyq ortalyq aýrýhanasyna 4 jedel járdem kóligi men 1 jyljymaly meditsinalyq keshen, Talǵar aýdandyq ortalyq aýrýhanasyna 9 jedel járdem kóligi men 1 jyljymaly meditsinalyq keshen, Kegen aýdandyq ortalyq aýrýhanasyna 1 jedel járdem kóligi men 1 jyljymaly meditsinalyq keshen, Raiymbek aýdandyq ortalyq aýrýhanasyna 1 jyljymaly meditsinalyq keshen, Ile aýdandyq ortalyq aýrýhanasyna 10 jedel járdem kóligi, Panfilov aýdandyq ortalyq aýrýhanasyna 4 jedel járdem kóligi, Qarasai aýdandyq ortalyq aýrýhanasyna 14 jedel járdem kóligi men 1 jyljymaly meditsinalyq keshen, Uiǵyr aýdandyq ortalyq aýrýhanasyna 1 jedel járdem kóligi men 1 jyljymaly meditsinalyq keshen tabystaldy.
Jyljymaly meditsinalyq keshenderde jalpy qabyldaý, akýsher-ginekolog, sáýlelik diagnostika kabinetteri, jalpy tájiribe jónindegi dáriger aimaǵy, dárihana pýnkti, saraptama qabyldaý aimaǵy jáne eksperttik klastaǵy portativti ýltradybys bar. Rentgen men fliýorografiiany qaýipsiz túrde jasaýǵa múmkindik qarastyrylǵan. Múmkindigi shekteýli jandarǵa arnalǵan pandýs lifti bar.
Bul aýyldaǵy mamandandyrylǵan meditsinalyq qyzmetkerleri men alǵashqy meditsinalyq-sanitarlyq kómek mamandarynyń jetispeýshiliginiń ornyn tolyqtyrýǵa múmkindik beredi. Oblystyń shalǵaidaǵy jáne jetýi qiyn eldi-mekenderinde turatyn azamattarymyzǵa mamandandyrylǵan meditsinalyq kómektiń qoljetimdiligin edáýir arttyrady.
Osy qabyldanyp jatqan sharalar óńirimizdiń meditsina qyzmetkerleriniń jaýapkershiligimen jáne kásibiligimen birge Jetisý turǵyndarynyń densaýlyǵyn nyǵaitýǵa jáne saqtaýǵa eleýli úlesin qosady dep senemin.
Biyl 180 jedel járdem kóligi men 12 jyljymaly meditsinalyq keshen satyp alyndy. Búgin biz osy jyljymaly meditsinalyq keshenderdiń jáne 89 reanimatsiialyq mashinalardyń kiltterin tapsyrýdamyz. Qalǵan kólikter aǵymdaǵy jyldyń jeltoqsan aiyna deiin jetkiziledi.
Nátijesinde, jyl sońyna deiin oblystyń sanitarlyq kólikteri 80 paiyzǵa jańarady. Jedel járdem brigadalarynyń sany 165-ten 205-ke deiin kóbeiedi.
