Biylǵy jyly egis alqaby 5 myń gektarǵa artty. Óńirde birqatar daqyldardyń ósýine basymdylyq berilgen. Máselen, soia-91 paiyz, qant – 75 paiyz, júgeri – 61 paiyzdy qurap otyr. Sondai-aq, biz kókónister men jemis-jidekterdi óndiremiz.
Osynyń arqasynda jyl saiyn ónim ósimiartyp otyr. Aýyl sharýashylyǵy ónimderiniń óndirilgen kólemi Almaty qalasy men Almaty oblysynyń bazarlaryna satylady. Sońǵy eki jylda kókónis ónimderiniń jospary boiynsha óńirlerdiń qajettiligin tolyǵymen qamtamasyz etip otyr.
«Taiaý jyldary sheteldik naryqtarǵa tolyǵymen shyǵamyz dep oilaimyz. Búgingi kúni bizdiń almalar Reseige, al júgeri Ózbekstan men Qytaiǵa jetkiziledi. Sonymen qatar, piiaz men baqsha daqyldaryn kórshi memleketterge, astyq pen soia siiaqty aýyl sharýashylyǵy ónimderiniń jekelegen túrlerin eksporttai bastadyq. Iaǵni, bizdiń aýyl sharýashylyǵy óndirýshileri ósiretin ónimder shetelde de suranysqa ie», - dedi oblys ákiminiń orynbasary Serikjan Beskempirov.
Aýyl sharýashylyǵy daqyldarynyń jalpy egis kólemi 966,5 myń gektardy quraidy. 2020 jyldyń ónimine 109,6 myń gektar alqapqa kúzdik daqyldar egildi, onyń ishinde bidai – 97,0 myń gektar, arpa – 12,4 myń gektar, basqalary – 0,2 myń gektar, 204,1 myń gektar jer jyrtyldy. Qazirgi ýaqytta oblys boiynsha egis jumystary aiaqtaldy, 622,4 myń gektar jazdyq aýyl sharýashylyǵy daqyldary, 259,2 myń gektar dándi masaqty daqyldar 83,5 myń gektar dándik júgeri, 10,6 myń gektar kúrish, 163,3 myń gektar maily daqyldar, saflor 37,3 myń gektar, kúnbaǵys 18,3 myń gektar, soia 106,6 myń gektar, 39,9 myń gektar kartop, 16100 myń gektar qant qyzylshasy, 13,1 myń gektar azyqtyq daqyldar egildi.
Aǵymdaǵy jyly oblystyń aýyl sharýashylyǵy taýar óndirýshilerine mineraldyq tyńaitqyshtar satyp alýǵa 1 513 836,0 myń teńge bólinip, 1 146 660,9 myń teńgesi igerildi. Búgingi kúni óndirýshilerge 37,8 myń tonna tyńaitqysh jóneltilgen. Tuqym sharýashylyǵyn qoldaýǵa 1 667 200,0 myń teńge qarastyrylyp, 245,0 myń teńge paidalanyldy.
"Bizdiń sharýa qojalyqtarymyzǵa jáne aýyl sharýashylyq taýar óndirýshilerine úlken kómek kórsetiledi. Tek osy jyly Aýyl sharýashylyǵyn qoldaýǵa 42 milliard teńge sýbsidiia berildi. Buǵan kóktemgi egis jumystaryna 165 myń teńge turatyn 19 myń tonna arzandatylǵan dizel otynyn satyp alý kiredi.
Egin jinaý jumystaryna qosymsha 20 myń tonna dizel otyny satyp alynady. Sondai-aq sýarý jumystary, tyńaitqyshtar, gerbitsidtermen jáne jándikterden qural-jabdyqtarmen óńdeý sýbsidiialanady. Sýbsidiialar sondai - aq kreditter boiynsha paiyzdyq mólsherlemelerdi jáne basym baǵyttar boiynsha Ósimdik sharýashylyǵy men mal sharýashylyǵy salasyndaǵy basqa da máselelerdi qamtidy", - dedi oblys ákimniń orynbasary.
Sondai-aq, "Keń Dala" memlekettik baǵdarlamasy aiasynda 1 milliard teńge qarastyrylǵan. Aýyldyq jerlerde halyqty jumyspen qamtý deńgeiin arttyrý úshin "Aýyl sharýashylyǵyn qarjylai qoldaý qory" jáne "Agrarlyq nesie korporatsiiasy"arqyly 5 milliard teńgege jýyq qarajat berilgen.
«Elbasy, ónimdilikti 5 jylda 2,5 esege arttyrýdy tapsyrdy. 4 jyl ishinde biz aýyl sharýashylyǵyndaǵy eńbek ónimdiligin eki ese arttyrdyq, bir jyldan keiin alǵa qoiǵan maqsattarǵa qol jetkizemiz dep oilaimyz», - dep atap ótti Beskempirov.
"Elimizde jariialanǵan tótenshe jaǵdaiǵa bailanysty biz kóktemgi-egis jumystaryn josparlaýdan buryn aiaqtadyq. Biraq buǵan qaramastan, jumys barysynda eshqandai problemalar týyndaǵan joq, óitkeni memleket úlken qoldaý kórsetti. Mysaly, bizdiń aýyl sharýashylyǵy taýarlaryn óndirýshiler karantinge qaramastan kedergisiz qozǵala aldy, avtokólik qosalqy bólshekteriniń, tyńaitqyshtardyń jáne janar-jaǵar mai materialdarynyń dúkenderi ashyldy. Osylaisha, bizdiń Úkimettiń qoldaýynyń arqasynda pandemiia aýyl sharýashylyǵyna qatty áser etken joq dep aitýǵa bolady", - dedi ol.
Ol sondai-aq oblysta jalpy ónim kólemin 1 trillion teńgege deiin jetkizý josparlanyp otyrǵanyn atap ótti. Ákimdiktiń málimetinshe, ótken jyly jalpy ónim kólemi 148 milliard teńgege artty, al 2015 jyldan bastap bul kólem 2,5 esege ósti.
Anar SABYROVA
