بيىلعى جىلى ەگىس القابى 5 مىڭ گەكتارعا ارتتى. وڭىردە ءبىرقاتار داقىلداردىڭ وسۋىنە باسىمدىلىق بەرىلگەن. ماسەلەن، سويا-91 پايىز، قانت – 75 پايىز، جۇگەرى – 61 پايىزدى قۇراپ وتىر. سونداي-اق، ءبىز كوكونىستەر مەن جەمىس-جيدەكتەردى وندىرەمىز.
وسىنىڭ ارقاسىندا جىل سايىن ءونىم ءوسىمىارتىپ وتىر. اۋىل شارۋاشىلىعى ونىمدەرىنىڭ وندىرىلگەن كولەمى الماتى قالاسى مەن الماتى وبلىسىنىڭ بازارلارىنا ساتىلادى. سوڭعى ەكى جىلدا كوكونىس ونىمدەرىنىڭ جوسپارى بويىنشا وڭىرلەردىڭ قاجەتتىلىگىن تولىعىمەن قامتاماسىز ەتىپ وتىر.
«تاياۋ جىلدارى شەتەلدىك نارىقتارعا تولىعىمەن شىعامىز دەپ ويلايمىز. بۇگىنگى كۇنى ءبىزدىڭ المالار رەسەيگە، ال جۇگەرى وزبەكستان مەن قىتايعا جەتكىزىلەدى. سونىمەن قاتار، پياز مەن باقشا داقىلدارىن كورشى مەملەكەتتەرگە، استىق پەن سويا سياقتى اۋىل شارۋاشىلىعى ونىمدەرىنىڭ جەكەلەگەن تۇرلەرىن ەكسپورتتاي باستادىق. ياعني، ءبىزدىڭ اۋىل شارۋاشىلىعى وندىرۋشىلەرى وسىرەتىن ونىمدەر شەتەلدە دە سۇرانىسقا يە»، - دەدى وبلىس اكىمىنىڭ ورىنباسارى سەرىكجان بەسكەمپىروۆ.
اۋىل شارۋاشىلىعى داقىلدارىنىڭ جالپى ەگىس كولەمى 966،5 مىڭ گەكتاردى قۇرايدى. 2020 جىلدىڭ ونىمىنە 109،6 مىڭ گەكتار القاپقا كۇزدىك داقىلدار ەگىلدى، ونىڭ ىشىندە بيداي – 97،0 مىڭ گەكتار، ارپا – 12،4 مىڭ گەكتار، باسقالارى – 0،2 مىڭ گەكتار، 204،1 مىڭ گەكتار جەر جىرتىلدى. قازىرگى ۋاقىتتا وبلىس بويىنشا ەگىس جۇمىستارى اياقتالدى، 622،4 مىڭ گەكتار جازدىق اۋىل شارۋاشىلىعى داقىلدارى، 259،2 مىڭ گەكتار ءداندى ماساقتى داقىلدار 83،5 مىڭ گەكتار داندىك جۇگەرى، 10،6 مىڭ گەكتار كۇرىش، 163،3 مىڭ گەكتار مايلى داقىلدار، سافلور 37،3 مىڭ گەكتار، كۇنباعىس 18،3 مىڭ گەكتار، سويا 106،6 مىڭ گەكتار، 39،9 مىڭ گەكتار كارتوپ، 16100 مىڭ گەكتار قانت قىزىلشاسى، 13،1 مىڭ گەكتار ازىقتىق داقىلدار ەگىلدى.
اعىمداعى جىلى وبلىستىڭ اۋىل شارۋاشىلىعى تاۋار وندىرۋشىلەرىنە مينەرالدىق تىڭايتقىشتار ساتىپ الۋعا 1 513 836،0 مىڭ تەڭگە ءبولىنىپ، 1 146 660،9 مىڭ تەڭگەسى يگەرىلدى. بۇگىنگى كۇنى وندىرۋشىلەرگە 37،8 مىڭ توننا تىڭايتقىش جونەلتىلگەن. تۇقىم شارۋاشىلىعىن قولداۋعا 1 667 200،0 مىڭ تەڭگە قاراستىرىلىپ، 245،0 مىڭ تەڭگە پايدالانىلدى.
"ءبىزدىڭ شارۋا قوجالىقتارىمىزعا جانە اۋىل شارۋاشىلىق تاۋار وندىرۋشىلەرىنە ۇلكەن كومەك كورسەتىلەدى. تەك وسى جىلى اۋىل شارۋاشىلىعىن قولداۋعا 42 ميلليارد تەڭگە سۋبسيديا بەرىلدى. بۇعان كوكتەمگى ەگىس جۇمىستارىنا 165 مىڭ تەڭگە تۇراتىن 19 مىڭ توننا ارزانداتىلعان ديزەل وتىنىن ساتىپ الۋ كىرەدى.
ەگىن جيناۋ جۇمىستارىنا قوسىمشا 20 مىڭ توننا ديزەل وتىنى ساتىپ الىنادى. سونداي-اق سۋارۋ جۇمىستارى، تىڭايتقىشتار، گەربيسيدتەرمەن جانە جاندىكتەردەن قۇرال-جابدىقتارمەن وڭدەۋ سۋبسيديالانادى. سۋبسيديالار سونداي - اق كرەديتتەر بويىنشا پايىزدىق مولشەرلەمەلەردى جانە باسىم باعىتتار بويىنشا وسىمدىك شارۋاشىلىعى مەن مال شارۋاشىلىعى سالاسىنداعى باسقا دا ماسەلەلەردى قامتيدى"، - دەدى وبلىس اكىمنىڭ ورىنباسارى.
سونداي-اق، "كەڭ دالا" مەملەكەتتىك باعدارلاماسى اياسىندا 1 ميلليارد تەڭگە قاراستىرىلعان. اۋىلدىق جەرلەردە حالىقتى جۇمىسپەن قامتۋ دەڭگەيىن ارتتىرۋ ءۇشىن "اۋىل شارۋاشىلىعىن قارجىلاي قولداۋ قورى" جانە "اگرارلىق نەسيە كورپوراسياسى"ارقىلى 5 ميلليارد تەڭگەگە جۋىق قاراجات بەرىلگەن.
«ەلباسى، ونىمدىلىكتى 5 جىلدا 2،5 ەسەگە ارتتىرۋدى تاپسىردى. 4 جىل ىشىندە ءبىز اۋىل شارۋاشىلىعىنداعى ەڭبەك ونىمدىلىگىن ەكى ەسە ارتتىردىق، ءبىر جىلدان كەيىن العا قويعان ماقساتتارعا قول جەتكىزەمىز دەپ ويلايمىز»، - دەپ اتاپ ءوتتى بەسكەمپىروۆ.
"ەلىمىزدە جاريالانعان توتەنشە جاعدايعا بايلانىستى ءبىز كوكتەمگى-ەگىس جۇمىستارىن جوسپارلاۋدان بۇرىن اياقتادىق. ءبىراق بۇعان قاراماستان، جۇمىس بارىسىندا ەشقانداي پروبلەمالار تۋىنداعان جوق، ويتكەنى مەملەكەت ۇلكەن قولداۋ كورسەتتى. مىسالى، ءبىزدىڭ اۋىل شارۋاشىلىعى تاۋارلارىن وندىرۋشىلەر كارانتينگە قاراماستان كەدەرگىسىز قوزعالا الدى، اۆتوكولىك قوسالقى بولشەكتەرىنىڭ، تىڭايتقىشتاردىڭ جانە جانار-جاعار ماي ماتەريالدارىنىڭ دۇكەندەرى اشىلدى. وسىلايشا، ءبىزدىڭ ۇكىمەتتىڭ قولداۋىنىڭ ارقاسىندا پاندەميا اۋىل شارۋاشىلىعىنا قاتتى اسەر ەتكەن جوق دەپ ايتۋعا بولادى"، - دەدى ول.
ول سونداي-اق وبلىستا جالپى ءونىم كولەمىن 1 تريلليون تەڭگەگە دەيىن جەتكىزۋ جوسپارلانىپ وتىرعانىن اتاپ ءوتتى. اكىمدىكتىڭ مالىمەتىنشە، وتكەن جىلى جالپى ءونىم كولەمى 148 ميلليارد تەڭگەگە ارتتى، ال 2015 جىلدان باستاپ بۇل كولەم 2،5 ەسەگە ءوستى.
انار سابىروۆا
