Búgin Almaty oblysyna jumys saparymen kelgen QR Premer-Ministri Asqar Maminmen birge delegatsiia quramynda Úkimet basshysynyń orynbasary Eraly Toǵjanov ta bolyp, vitse-premer Taldyqorǵandaǵy qurylysy aiaqtalǵan ortalyqtandyrylǵan meditsinalyq zerthanaǵa bardy, - dep habarlaidy Almaty oblysy ákiminiń baspasóz qyzmeti.
Eraly Toǵjanovtyń Jetisý óńirine jasaǵan sapary negizinen koronavirýs indetimen kúres sharalarymen tanysyp, bilý maqsatyna baǵyttaldy.
Vitse-premer oblys ákiminiń orynbasary Batyrjan Baijumanovpen birge zerthana ǵimaratyn aralap kórdi.
B. Baijumanov ortalyq salý jobasy memlekettik-jekemenshik áriptestik sheńberinde júzege asyrylǵanyn aitty. Qurylysy aiaqtalǵan ǵimaratty maýsym aiynda ashý josparlanǵan. Meditsinalyq mekeme oblystaǵy 7-shi zerthana, sondyqtan № 7 zerthana retinde jumysqa kirisetin bolady.
3 qabatty ǵimarattyń qurylysy, zerthanalyq múmkindikteri, patsientter qabyldaý reti jáne basqa da málimetterdi Eraly Toǵjanovqa «Olimp» kliniko-diagnostikalyq zerthananyń Almaty oblystyq filialynyń direktory Arman Shaýhin baiandap berdi. Onyń aitýynsha, zerthana konsýltativti-diagnostikalyq qyzmet kórsetetin mekeme bolmaq. Zerthananyń qurylys jumystaryn budan neǵurlym erte merzimde aiaqtaý josparlanǵanymen, indettiń taralýy qurylystyń biraz keshiktirilýine sebep bolǵan. Degenmen búgingi kúni qurylys jumystary, ishki árleýi tolyq aiaqtalǵan, qajetti qural-jabdyqtar ákelingen, iske qosýǵa daiyn.
Eraly Toǵjanov juqpaly aýrýlardy diagnostikalaityn, sol qatarda koronavirýsqa PTsR taldaýyn jasaityn zerthanalar ornalasatyn ekinshi qabatty tolyq aralap kórdi. Munda qoiylatyn qural-jabdyqtar, qorǵaný sharalary, zararsyzdandyrý protsesi jaily surap bildi.
Oblys ákiminiń orynbasary Batyrjan Baijumanov búgingi kúni óńirde COVID-19 infektsiiasyna tekserýdiń táýligine 2,5 myń zertteýi jasalsa, osy zerthana iske qosylǵannan keiin zertteýlerdiń sanyn 3 myńǵa jetkizýge múmkindik bar ekenin aitty. Al jalpy oblysta búginge deiin 38 myńnan astam zertteýler jasalǵan.
Vitse-premerge oblystaǵy koronavirýs indetiniń búgingi taralý jaiy, emdeý sharalary, infektsiialyq tósek pen provizorlyq statsionarlardyń jaǵdaiy týraly tolyq maǵlumat berildi.
- Eń aldymen indet juqtyrý qaýpi joǵary topqa jatatyn meditsina mamandary, politsiia qyzmetkerleri jáne basqa da indetpen kúres shalararyna tartylǵan azamattardy tekserýden ótkizý úzdiksiz júrgizilýi kerek. Oblystyń Qytaimen, sol siiaqty Shyǵys Qazaqstan, Jambyl oblystarymen shektesetin aýmaqtaryn jiti baqylaý kerek. Syrttan kelgenderi, shet memleketterden kelip jatqan stýdentterimizdi, syrtqattarmen bailanysta bolǵan azamattardy provizorlyq statsionarlarǵa karantinge alý jumystary tiisti deńgeide bolýy tiis. Indetten qaitys bolý deregine jol bermeýimiz kerek. Oblystaǵy bul baǵyttaǵy jumystarǵa qanyqpyn. Jumysty osy qarqynda jalǵastyra berińizder, - dedi E. Toǵjanov.
Sol siiaqty vitse-premer «Olimp» zerthanasynyń qyzmet kórsetý baǵalary jaily surap, halyqtyń jaǵdaiyna sáikes bolýyn da este ustaý kerektigin aitty.
Atap ótsek, Ortalyqtandyrylǵan meditsinalyq zerthananyń qurylysy 2018 jyldyń shilde aiynda bastalǵan bolatyn. Aldaǵy maýsym aiynda ashý josparlanǵan. Jalpy alańy – 2016 sh.m. Qurylysyn júrgizgen merdiger uiym – «NatsStroiLider» JShS.
