Almaty oblysynda aýylsharýashylyǵyn damytýǵa 47 mlrd.teńge qarastyrlǵan
Biyl óńirdegi aýyl sharýashylyǵy daqyldarynyń egis kólemi 1297 gektarǵa kóbeiip, jalpy 974 myń gektarǵa sebiledi, onyń ishinde dándi daqyldar – 484 myń jáne maily daqyldar – 132 myń gektar. Qajetti 202 myń tonna tuqym tolyǵymen daiarlandy. Degenmen aýdandarda tuqymdardyń sortyn jańartýǵa asa mán berilmei keledi, Aqsý, Balqash, Jambyl aýdandary men Taldyqorǵan qalasynan tuqym sharýashylyqtarynan joǵary reprodýktsiialy tuqym alynbaǵan. Jalpy oblystaǵy quiylǵan barlyq tuqymnyń 10 myń tonnasy ǵana - attesttalǵan sýbektilerdiń ónimi.
- Jalpy oblys jáne Almaty qalasy turǵyndary qajettiligin qamtýǵa maýsym aralyǵyna 280 myń tonna kartop kerek, al oblystaǵy 53 qoimanyń syiymdylyǵy 52,4 myń tonna nemese 37% ǵana jabady. Almaty aglomeratsiiasyn damytýǵa tiisti Eńbekshiqazaq, Jambyl aýdandary men Qapshaǵai qalasynda bir qoimadan ǵana bar, iaǵni zamanaýi qoimalardy salýǵa investorlar tartýdy jandandyrýmyz qajet, - dedi Á.Jaqanbaev.
Búginge deiin mineraldy tyńaitqysh satyp alýǵa Raiymbek, Balqash aýdandary ótinim bermegen, al Jambyl, Kóksý, Uiǵyr, Eskeldi, Aqsý aýdandary men Taldyqorǵan, Tekeli qalalary josparlanǵan kólemniń 6% deiin ǵana alǵan. Sharýashylyqtarda janar-jaǵarmaidyń qajetti qoryn qalyptastyrý nashar júrgizilýde.
Oblystyq biýdjetten 12,5 mlrd. teńge jumsalyp 1331 dana tehnikamen qamtylǵan 56 servistik-daiyndaý ortalyǵynyń búginde tek 5-eýi ǵana tiimdi jumys jasaidy, al 12 SDO óz mindettemelerin oryndamaǵandyqtan olarmen aradaǵy kelisim-shart buzylǵan. 13 SDO-nyń lizingtik tóleminde 373 mln. teńge qaryz bar.
«Qazsýshar» RMK Almaty filialynyń direktory S. Qudaibergenovtyń sózine súiensek, ótken jyly jalpy kólemi 134,4 myń gektarǵa aýyl sharýashylyǵy taýaryn óndirýshilermen 7 866 kelisim-shart jasalyp, 133,1 myń gektarǵa 1 065 470 m3 kólemde sý jetkizilgen. Biylǵy jyly da osy shamada sý berý josparlanyp otyr.
Jalpy Almaty oblysynyń aýyl sharýashylyǵy salasyn damytýǵa 47 mlrd. teńge bólindi. Onyń ishinde mal sharýashylyǵyna – 21 mlrd. teńge, ósimdik sharýashylyǵyna – 6,7 mlrd., investitsiialyq sýbsidiialaýǵa – 12 mlrd., sý sharýashylyǵyna – 2,5 mlrd. jáne qaita óndeýge – 2 mlrd. teńge, aýyl halqyn nesielendirýge – 3,6 mlrd. teńge qarastyrylǵan.
