Almaty oblysynda AQSh-qa ónim eksporttaityn zaýyt iske qosylady
Soia burshaǵyn óńdeitin zaýyt, Ile aýdany, Jańatalap aýylynda ornalasqan. Jobanyń quny – 3 797,3 mln teńge. Qarjylandyrý kózderiniń 72,2%-y Qazaqstannyń Damý Bankine, 27,8%-y menshikti qarajat esebine tiesili.
Jylyna zaýytta 2500 tonna soia izoliaty, 3800 tonna talshyq pen 2000 tonna sirne óndiriledi dep josparlanýda.
– Alynǵan ónim Izrail men AQSh-qa jóneltiledi. Jyldyq eksport kólemi 97,7% quraidy, – deidi zaýyt direktory Oleg Petýshok.
Zaýyt qurylysna 7 gektar jer bólingen, onyń 2,02 gektaryna nysan boi kótergen. Qurylys jumystarynyń júrý barysynda 15 jumys orny qurylǵan bolatyn. Al, óndiris orny tolyqtai qoldanysqa berilgennen keiin, oblystyń áleýeti arta túspek. Sáikesinshe, jańa jumys orny qurylyp, 58 adamnyń bir mezette eńbekke tartylady.
Aita keteiik, atalmysh jobadan túsetin paida kólemi jylyna 2,6 mlrd teńgeni quramaq.
Buqaranyń igiline qyzmet atqaratyn óndiris ornynyń lentasy 1 sáýirde qiylady dep josparlanýda. Esterińizde bolsa, ótken jyly oblys ortalyǵynda quny 4,4 mlrd teńge bolatyn, maily daqyldardy óńdeitin zaýyt iske qosylǵan. Kásiporyn kúnine 500 tonna raps, 400 tonna kúnbaǵys óńdeidi.
Anar SABYROVA, Almaty oblysy.
