سويا بۇرشاعىن وڭدەيتىن زاۋىت، ىلە اۋدانى، جاڭاتالاپ اۋىلىندا ورنالاسقان. جوبانىڭ قۇنى – 3 797،3 ملن تەڭگە. قارجىلاندىرۋ كوزدەرىنىڭ 72،2%-ى قازاقستاننىڭ دامۋ بانكىنە، 27،8%-ى مەنشىكتى قاراجات ەسەبىنە تيەسىلى.
جىلىنا زاۋىتتا 2500 توننا سويا يزولياتى، 3800 توننا تالشىق پەن 2000 توننا سىرنە وندىرىلەدى دەپ جوسپارلانۋدا.
– الىنعان ءونىم يزرايل مەن اقش-قا جونەلتىلەدى. جىلدىق ەكسپورت كولەمى 97،7% قۇرايدى، – دەيدى زاۋىت ديرەكتورى ولەگ پەتۋشوك.
زاۋىت قۇرىلىسنا 7 گەكتار جەر بولىنگەن، ونىڭ 2،02 گەكتارىنا نىسان بوي كوتەرگەن. قۇرىلىس جۇمىستارىنىڭ ءجۇرۋ بارىسىندا 15 جۇمىس ورنى قۇرىلعان بولاتىن. ال، ءوندىرىس ورنى تولىقتاي قولدانىسقا بەرىلگەننەن كەيىن، وبلىستىڭ الەۋەتى ارتا تۇسپەك. سايكەسىنشە، جاڭا جۇمىس ورنى قۇرىلىپ، 58 ادامنىڭ ءبىر مەزەتتە ەڭبەككە تارتىلادى.
ايتا كەتەيىك، اتالمىش جوبادان تۇسەتىن پايدا كولەمى جىلىنا 2،6 ملرد تەڭگەنى قۇراماق.
بۇقارانىڭ يگىلىنە قىزمەت اتقاراتىن ءوندىرىس ورنىنىڭ لەنتاسى 1 ساۋىردە قيىلادى دەپ جوسپارلانۋدا. ەستەرىڭىزدە بولسا، وتكەن جىلى وبلىس ورتالىعىندا قۇنى 4،4 ملرد تەڭگە بولاتىن، مايلى داقىلداردى وڭدەيتىن زاۋىت ىسكە قوسىلعان. كاسىپورىن كۇنىنە 500 توننا راپس، 400 توننا كۇنباعىس وڭدەيدى.
انار سابىروۆا، الماتى وبلىسى.
