«Jetisý» ÁKK-niń habarlaýy boiynsha, oblys ákiminiń tapsyrmasymen sońǵy jyldarda óńirde qant qyzylshasy baǵytynda 29 SDO, dándi daqyldar boiynsha – 7, kókónis – 1, júgeri – 2, kúrish – 4, kartop – 3, jem daiyndaýda 5 servistik daiyndaý ortalyǵy qurylyp, olardyń jalpy sany 51-ge jetken. Atalmysh SDO-larda qarjylai lizing arqyly berilgen 1204 dana aýyl sharýashylyǵy tehnikasy qyzmet kórsetýde. Sonyń ishinde biylǵy jyly 6 SDO qurylyp, (3 – jem daiyndaý, 2 – kúrish, 1 – dándi daqyldar boiynsha) olarǵa 88 tehnika alyp berildi. Zamanaýi tehnikany jeńildik sharttarymen usynatyn servistik-daiyndaý ortalyqtary is júzinde aýyldaǵy biznesti damytýǵa zor yqpal etip, áleýmettik jobaǵa ainaldy.
– Osy sharalardyń barlyǵy shyǵyndardy birneshe ese ońtailandyryp, kásipkerlerdiń shyǵyndaryn azaitty. Oblys basshylyǵynyń qoldaýymen osy baǵyttaǵy jumystardy jalǵastyryp kelemiz, – dedi E.Orymbasarov.
Jalpy servistik-daiyndaý ortalyqtarynyń jumysy aýyl sharýashylyǵy qurylymdaryn shoǵyrlanýǵa yntalandyrý, keshendi túrde óndiristik jáne marketingtik qyzmetter kórsetý arqyly aýyl sharýashylyǵy óndirisiniń tiimdiligin arttyrý jáne sol arqyly aýyl halqynyń ómir súrý deńgeiin kóterýge baǵyttalǵan.
