Almaty oblysynda 500 myńǵa jýyq otbasynyń aqparaty tsifrlyq kartaǵa engizilip, 30 myńǵa jýyq jańa jumys orny quryldy, – dep habarlaidy Dalanews.kz Almaty oblysy Óńirlik kommýnikatsiialar qyzmetine silteme jasap.
Almaty oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Aigúl Ahmetovanyń aitýynsha, tsifrlyq karta arqyly halyqtyń áleýmettik mártebesi men ál-aýqatynyń deńgeii anyqtalady, búgingi kúni kartany tolyqtyrý jumystary áli de jalǵasýda.
Sonymen qatar, spiker óńirdegi aýqymdy máselelerdiń biri – jumyspen qamtý týraly sóz etti.
Atap aitqanda, oblys boiynsha 29,1 myń jańa jumys orny quryldy. Onyń 66%-y turaqty jumysqa ornalasty. Bul degenimiz 19 myń 200 adam. Bul kórsetkish óńirde jumyssyzdyq deńgeiin tómendetýge jáne turaqty jumys oryndaryn qurý baǵytynda júieli jumys júrgizilgenin kórsetedi.
Máselen, jumyspen qamtý organdaryna 43 myń adam júgingen bolsa, olardyń 30 myńy jumyssyz mártebesin alǵan. Nátijesinde 9 myń adam sýbsidiialanatyn jumys oryndaryna ornalasty. Al ulttyq jobalar aiasynda 509 adam jumysqa qabyldandy.
Budan bólek, arnaýly áleýmettik qoldaýdyń aiasynda 5 531 otbasy nemese 31 068 adam járdem alyp, 1 jastan 6 jasqa deiingi 9 968 balaǵa qosymsha áleýmettik tólemder tólendi.
"Áleýmettik osal toptarǵa jatatyn 41, 7 myń azamatqa, onyń ishinde múgedektigi bar adamdarǵa, qaiyrymdylyq kómek kórsetildi. Oblysta arnaýly áleýmettik qyzmet kórsetetin 8 mekeme, onyń ishinde 7 mekeme statsionarlyq jaǵdaida jumys isteidi.
Jalpy, oblysta 42 236 múgedektigi bar azamat tirkelse, olardyń 79%-y qajetti tehnikalyq quraldarmen, sanatorlyq-kýrorttyq emmen, jeke kómekshimen qamtyldy"-,deidi Aigúl Matanqyzy.
