Almaty oblysynyń jumyspen qamtýdy úilestirý jáne áleýmettik baǵdarlamalar basqarmasy (budan ári – JQÚÁBB) basshysynyń orynbasary Baqyt Jaqsybaeva óńir turǵyndarynyń áleýmettik qyzmet ókilderin aldaý faktileri týraly aityp berdi. Onyń aitýynsha, AÁK taǵaiyndaý kezinde eń kóp oryn alǵan buzýshylyq – naqty tabystardy jasyrý bolyp tabylady.
"Qazirgi tańda biz 6 myń 151 otbasyna 85 mln 525 myń teńge kóleminde tólengen AÁK somalaryna qaita esepteý júrgizdik. Sonymen qatar, tabysty jasyrýǵa bailanysty 3 myń 304 otbasyna áleýmettik kómek tóleý toqtatyldy, olar biýdjetke 296 mln 985 myń teńge óteýi tiis, onyń 24 mln. 52 myń teńgesi óteldi. Sondai-aq, tabystar boiynsha aiyrmashylyq faktilerine qatysty mán-jailar anyqtalǵanǵa deiin 1 myń 150 otbasyna ataýly áleýmettik kómek tóleý ýaqytsha toqtatyldy. Ataýly áleýmettik kómek alatyn jeke kásipkerlerdiń 217 otbasyna tólemder toqtatyldy. Olar memleketke 40 mln 900 myń teńge shyǵyn keltirgen", – dedi Baqyt Jaqsybaeva.
Onyń aitýynsha, 117 otbasynyń ishinen jalpy aýdany 100 sharshy metrden asatyn jyljymaityn múlki bar 93 otbasyna AÁK tólemderi toqtatyldy. Qalǵan 24 otbasy áleýmettik kómekke muqtaj.
"Qarasai aýdanynda turatyn kópbalaly otbasyna 28 sáýirde 1 mln 203 myń 456 teńge somasynda AÁK taǵaiyndaldy. Atalǵan úige barý kezinde bul otbasy jalpy aýdany 100 sharshy metrden asatyn jańa úide turatyny, otbasynyń materialdyq jaǵdaiy jaqsy ekeni, otaǵasy jeke kásipker ekeni belgili boldy. AÁK taǵaiyndaý kezinde 1-toqsanda otbasy tabysy 220 myń teńge dep kórsetilgen. Áleýmettik kómek alýdyń zańdylyǵyn tekserý kezinde birinshi toqsandaǵy tabys 12 mln 667 myń teńgeni quraǵany anyqtaldy, iaǵni, jan basyna shaqqandaǵy ortasha tabysy otbasynyń árbir múshesine 703 myń 722 teńgeden keledi, bul kedeilik sheginen 33,8 ese artyq", – dedi óńirlik Jumyspen qamtý basqarmasy basshysynyń orynbasary.
Baqyt Jaqsybaevanyń aitýynsha, osyndai faktiler Almaty oblysynyń basqa aýdandarynda da oryn alǵan. Sonymen qatar, áleýmettik kómekti zańsyz jolmen alý maqsatynda óńirdiń keibir turǵyndary naqty turatyn meken-jaiyn nemese ýaqytsha tirkelgen mekenjaiyn jasyrýǵa tyrysqan.
Esterińizge sala keteiik, AÁK taǵaiyndaý men tóleýdiń durystyǵyn monitoringteý nátijesinde 73 myńnan astam ataýly áleýmettik kómek alýshy tabysy týraly jalǵan aqparat bergeni anyqtaldy.
Osyǵan bailanysty Ministrlik ákimdiktermen birlese otyryp, árbir anyqtalǵan fakti boiynsha, buzýshylyqtarǵa jol bermeý jáne "Memlekettik ataýly áleýmettik kómek týraly" QR Zańyn buza otyryp taǵaiyndalǵan tólemderdi qaita qaraý boiynsha jeke-jeke jumys júrgizýde. Bul baǵyttaǵy jumys jalǵasyp jatyr.
