Almaty oblysynda 14 jastaǵy jasóspirim qaza tapty. Otbasynyń aitýynsha, balany joǵary synyp oqýshylary qatygezdikpen uryp-soqqan. Qylmystyq is qozǵaldy, alaida týystary kúdiktige taǵylǵan aiyppen kelispeidi, dep habarlaidy Dalanews.kz Almaty.tv-ge silteme jasap.
Týystarynyń habarlaýynsha, Alihandy uryp-soqqan. Ákesiniń aitýy boiynsha, dúkendegi beinebaqylaý kamerasynyń jazbasynda bir top joǵary synyp oqýshylary balany toqtatyp, qarańǵy kóshege qarai alyp ketkeni kórinedi.
Talǵar aýdandyq politsiiasy qylmystyq is qozǵady. Bir jasóspirim ustaldy. Týystary isti neǵurlym qatań túrde saralap, barlyq qatysýshylardy jaýapqa tartýdy talap etýde.
«Kámeletke tolmaǵan adamǵa dene jaraqatyn salý jáne onyń ólimine ákelý faktisi boiynsha qylmystyq is qozǵady. Kámeletke tolmaǵan jasóspirim kúdikti retinde ustalyp, ýaqytsha ustaý izoliatoryna qamaldy. Sottyń sheshimimen oǵan qamaýda ustaý túrindegi bultartpaý sharasy tańdaldy», — dep habarlady Almaty oblysy politsiia departamentiniń resmi ókili Ernar Saidildin.
