Jalpy, Almaty oblysy halyq sany kóp, ári tyǵyz ornalasqan aimaqqa jatady. 1 shildedegi resmi málimetterge súiensek, munda 1451,9 myń adam turady. Al aǵymdaǵy jyly ekonomikalyq belsendi halyq sany 695,9 myń adamdy qurap otyr. Budan bólek ózin-ózi jumyspen qamtyǵandarda bar. Olar 194,0 myń janǵa jetedi.
Áliia Jumabaiqyzynyń aitýynsha, búginde Almaty oblysynda Jumyspen qamtylǵan halyqtyń ishinde ózin-ózi jumyspen qamtyǵandardyń úlesi 29,3%-dy kórsetýde. Al, bul kórsetkish respýblikada – 23,9%-dy quraidy.
Eki qolǵa bir kúrekti óz kúshterimen taýyp, óziniń belsendi eńbeginiń arqasynda tabys taýyp otyrǵandarmen qatar, ózin-ózi jumyspen qamtýy sátsiz aiaqtalǵan, iaǵni, nátejiesiz bolǵandarda bar eken.
Bólim basshysynyń sózine sensek, olaryń sany 20,2 myń damady quraidy. Paiyzdyq mólsherleme 10,4%-dy quraidy.
Halyq sany kóp aimaqta, jumyssyzdar joq emes. Muny Áliia Esimjanovada joqqa shyǵarǵan joq. Onyń aitýynsha, óńirdegi jumyssyz halyq sany 33,6 myń adamǵa jetip jyǵylady eken. Osy ýaqytqa deiingi kezeńde Almaty oblysyndaǵy jumyssyzdyq deńgeii 4,8%-dy quraǵan.
Deiturǵanmen de, óńirde jumyssyzdyqpen kúres qarqyndy júrip jatyr. Túiitkildi máseleniń kúrmeýin sheshý úshin birshama jumys oryndaryda qurylmaq.
– 2022 jyly Almaty oblysy boiynsha 28507 jumys ornyn qurý josparlanǵan. Aǵymdaǵy jyldyń 1 tamyzyna 17752 jumys orny quryldy, Onyń 10872-i turaqty jumys orynynyń sanatyna jatady. Bul degenimiz jospardyń 62,3% oryndaldy degen sóz, – deidi Almaty oblysynyń jumyspen qamtýdy úilestirý jáne áleýmettik baǵdarlamalar basqarmasynyń halyqty jumyspen qamtý bóliminiń basshysy Áliia Esimjanova.
Aita keteiik, oblystaǵy halyqty jumyspen qamtý aiasynda Kásipkerlikti damytýdyń 2021-2025 jyldarǵa arnalǵan Ulttyq jobasy sheńberinde jumyspen qamtýǵa járdemdesýdiń barlyq belsendi sharalary kózdelgen. Atalmysh jobany iske asyrý úshin 13,3 myń adamdy qamtýmen 7,0 mlrd teńgeni bólinbek.
Almaty oblysynda Kásipkerlikti damytýdyń 2021-2025 jyldarǵa arnalǵan Ulttyq jobasy aiasynda orta jastaǵy 1280 adamdy qysqa merzimdi kásiptik oqytý josparlanǵan. Oqý merzimi 1-6 aidy quraidy. Bul – maqsatta qazynadan 331,2 mln teńge qarastyrylǵanyn bildik.
– Búgingi kúni qysqa merzimdi kásiptik oqýǵa 694 adam jiberildi, onyń ishinde 371 adam oqýdy aiaqtady. Oqýdy aiaqtaǵandardy 91,1%, iaǵni 338 adam turaqty jumys oryndaryna ornalastyryldy, – dedi Áliia Jumabaiqyzy.
Óńirde «Biznes bastaý» jobasy boiynsha kásip bastaýǵa nietti turǵyndardy da oqýǵa jiberý kózdelgen. Qazirgi kezde oblysta 1660 adamdy oqýǵa jiberý josparlanýda. Ústimizdegi jyldyń 26 tamyzyna 2562 adam oqýǵa jiberilgen jaiy bar.
Aita keteiik, aimaqta 400 AEK-ten 1036,9 mln teńge somasyna 1031 grant beriledi dep kútilýde. Búgingi tańda 100 adam jańa biznes-ideialardy damytý úshin granttar alyp úlgerldi.
– 10,6 myń adam jumyspen qamtýdyń belsendi sharalarymen qamtylatyn bolady, buǵan 5,9 mlrd teńge kózdelgen. Aldaǵy ýaqytta jastar tájiribesine – 765 túlek, áleýmettik jumys oryndaryna – 556, eńbekaqyny sýbsidiialaýǵa, naqtylasaq, múgedekterdi jumysqa ornalastyrý úshin arnaýly áleýmettik jumys oryndary – 7, qoǵamdyq jumystarǵa – 5 570, birinshi jumys ornyna – 127 adam, urpaqtar kelisimshartyna – 36 adam jiberiledi dep josparlanǵan, – deidi Áliia Esimjanova.
Jalpy alǵanda 2022 jylǵy 26 tamyzdaǵy jaǵdaiǵa sáikes, derekter 18242 adam jumysqa turdy dep kórsedýde. Onyń ishinde 8752-si turaqty jumysqa ornalasqan.
Sondai-aq jastar praktikasyna – 666, áleýmettik jumys oryndaryna – 591, alǵashqy jumys ornyna – 149, urpaqtar kelisimshartyna – 28, Kúmis jas jobasyna – 233 adam jiberilip, «enbek.kz» portalynda – 1909 jan oqytylyp, qoǵamdyq jumystarǵa 4918 jan tartyldy.
– Jalaqyny sýbsidiialaýǵa keler bolsaq, múgedekterdi jumysqa ornalastyrý úshin arnaýly áleýmettik jumys oryndaryna 7 adamǵa 2,5 mln teńge bólindi. Aǵymdaǵy jyldyń 26 tamyzyna 11857 adamdy qamtylyp, 2309,1 mln teńge igerildi, – dep sózin túiindedi Almaty oblysynyń jumyspen qamtýdy úilestirý jáne áleýmettik baǵdarlamalar basqarmasynyń halyqty jumyspen qamtý bóliminiń basshysy Áliia Esimjanova.
