جالپى، الماتى وبلىسى حالىق سانى كوپ، ءارى تىعىز ورنالاسقان ايماققا جاتادى. 1 شىلدەدەگى رەسمي مالىمەتتەرگە سۇيەنسەك، مۇندا 1451،9 مىڭ ادام تۇرادى. ال اعىمداعى جىلى ەكونوميكالىق بەلسەندى حالىق سانى 695،9 مىڭ ادامدى قۇراپ وتىر. بۇدان بولەك ءوزىن-وزى جۇمىسپەن قامتىعانداردا بار. ولار 194،0 مىڭ جانعا جەتەدى.
ءاليا جۇماباي قىزىنىڭ ايتۋىنشا، بۇگىندە الماتى وبلىسىندا جۇمىسپەن قامتىلعان حالىقتىڭ ىشىندە ءوزىن-وزى جۇمىسپەن قامتىعانداردىڭ ۇلەسى 29،3%-دى كورسەتۋدە. ال، بۇل كورسەتكىش رەسپۋبليكادا – 23،9%-دى قۇرايدى.
ەكى قولعا ءبىر كۇرەكتى ءوز كۇشتەرىمەن تاۋىپ، ءوزىنىڭ بەلسەندى ەڭبەگىنىڭ ارقاسىندا تابىس تاۋىپ وتىرعاندارمەن قاتار، ءوزىن-وزى جۇمىسپەن قامتۋى ءساتسىز اياقتالعان، ياعني، ناتەجيەسىز بولعانداردا بار ەكەن.
ءبولىم باسشىسىنىڭ سوزىنە سەنسەك، ولارىڭ سانى 20،2 مىڭ دامادى قۇرايدى. پايىزدىق مولشەرلەمە 10،4%-دى قۇرايدى.
حالىق سانى كوپ ايماقتا، جۇمىسسىزدار جوق ەمەس. مۇنى ءاليا ەسىمجانوۆادا جوققا شىعارعان جوق. ونىڭ ايتۋىنشا، وڭىردەگى جۇمىسسىز حالىق سانى 33،6 مىڭ ادامعا جەتىپ جىعىلادى ەكەن. وسى ۋاقىتقا دەيىنگى كەزەڭدە الماتى وبلىسىنداعى جۇمىسسىزدىق دەڭگەيى 4،8%-دى قۇراعان.
دەيتۇرعانمەن دە، وڭىردە جۇمىسسىزدىقپەن كۇرەس قارقىندى ءجۇرىپ جاتىر. تۇيىتكىلدى ماسەلەنىڭ كۇرمەۋىن شەشۋ ءۇشىن ءبىرشاما جۇمىس ورىندارىدا قۇرىلماق.
– 2022 جىلى الماتى وبلىسى بويىنشا 28507 جۇمىس ورنىن قۇرۋ جوسپارلانعان. اعىمداعى جىلدىڭ 1 تامىزىنا 17752 جۇمىس ورنى قۇرىلدى، ونىڭ 10872ء-ى تۇراقتى جۇمىس ورىنىنىڭ ساناتىنا جاتادى. بۇل دەگەنىمىز جوسپاردىڭ 62،3% ورىندالدى دەگەن ءسوز، – دەيدى الماتى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ حالىقتى جۇمىسپەن قامتۋ ءبولىمىنىڭ باسشىسى ءاليا ەسىمجانوۆا.
ايتا كەتەيىك، وبلىستاعى حالىقتى جۇمىسپەن قامتۋ اياسىندا كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى شەڭبەرىندە جۇمىسپەن قامتۋعا جاردەمدەسۋدىڭ بارلىق بەلسەندى شارالارى كوزدەلگەن. اتالمىش جوبانى ىسكە اسىرۋ ءۇشىن 13،3 مىڭ ادامدى قامتۋمەن 7،0 ملرد تەڭگەنى بولىنبەك.
الماتى وبلىسىندا كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا ورتا جاستاعى 1280 ادامدى قىسقا مەرزىمدى كاسىپتىك وقىتۋ جوسپارلانعان. وقۋ مەرزىمى 1-6 ايدى قۇرايدى. بۇل – ماقساتتا قازىنادان 331،2 ملن تەڭگە قاراستىرىلعانىن بىلدىك.
– بۇگىنگى كۇنى قىسقا مەرزىمدى كاسىپتىك وقۋعا 694 ادام جىبەرىلدى، ونىڭ ىشىندە 371 ادام وقۋدى اياقتادى. وقۋدى اياقتاعانداردى 91،1%، ياعني 338 ادام تۇراقتى جۇمىس ورىندارىنا ورنالاستىرىلدى، – دەدى ءاليا جۇماباي قىزى.
وڭىردە «بيزنەس باستاۋ» جوباسى بويىنشا كاسىپ باستاۋعا نيەتتى تۇرعىنداردى دا وقۋعا جىبەرۋ كوزدەلگەن. قازىرگى كەزدە وبلىستا 1660 ادامدى وقۋعا جىبەرۋ جوسپارلانۋدا. ۇستىمىزدەگى جىلدىڭ 26 تامىزىنا 2562 ادام وقۋعا جىبەرىلگەن جايى بار.
ايتا كەتەيىك، ايماقتا 400 اەك-تەن 1036،9 ملن تەڭگە سوماسىنا 1031 گرانت بەرىلەدى دەپ كۇتىلۋدە. بۇگىنگى تاڭدا 100 ادام جاڭا بيزنەس-يدەيالاردى دامىتۋ ءۇشىن گرانتتار الىپ ۇلگەرلدى.
– 10،6 مىڭ ادام جۇمىسپەن قامتۋدىڭ بەلسەندى شارالارىمەن قامتىلاتىن بولادى، بۇعان 5،9 ملرد تەڭگە كوزدەلگەن. الداعى ۋاقىتتا جاستار تاجىريبەسىنە – 765 تۇلەك، الەۋمەتتىك جۇمىس ورىندارىنا – 556، ەڭبەكاقىنى سۋبسيديالاۋعا، ناقتىلاساق، مۇگەدەكتەردى جۇمىسقا ورنالاستىرۋ ءۇشىن ارناۋلى الەۋمەتتىك جۇمىس ورىندارى – 7، قوعامدىق جۇمىستارعا – 5 570، ءبىرىنشى جۇمىس ورنىنا – 127 ادام، ۇرپاقتار كەلىسىمشارتىنا – 36 ادام جىبەرىلەدى دەپ جوسپارلانعان، – دەيدى ءاليا ەسىمجانوۆا.
جالپى العاندا 2022 جىلعى 26 تامىزداعى جاعدايعا سايكەس، دەرەكتەر 18242 ادام جۇمىسقا تۇردى دەپ كورسەدۋدە. ونىڭ ىشىندە 8752ء-سى تۇراقتى جۇمىسقا ورنالاسقان.
سونداي-اق جاستار پراكتيكاسىنا – 666، الەۋمەتتىك جۇمىس ورىندارىنا – 591، العاشقى جۇمىس ورنىنا – 149، ۇرپاقتار كەلىسىمشارتىنا – 28، كۇمىس جاس جوباسىنا – 233 ادام جىبەرىلىپ، «enbek.kz» پورتالىندا – 1909 جان وقىتىلىپ، قوعامدىق جۇمىستارعا 4918 جان تارتىلدى.
– جالاقىنى سۋبسيديالاۋعا كەلەر بولساق، مۇگەدەكتەردى جۇمىسقا ورنالاستىرۋ ءۇشىن ارناۋلى الەۋمەتتىك جۇمىس ورىندارىنا 7 ادامعا 2،5 ملن تەڭگە ءبولىندى. اعىمداعى جىلدىڭ 26 تامىزىنا 11857 ادامدى قامتىلىپ، 2309،1 ملن تەڭگە يگەرىلدى، – دەپ ءسوزىن تۇيىندەدى الماتى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ حالىقتى جۇمىسپەن قامتۋ ءبولىمىنىڭ باسشىسى ءاليا ەسىمجانوۆا.
