Batys Qazaqstan oblysynda júrgizilip jatqan sý tasqynyna qarsy is-sharalar aiasynda, Oral qalasyna Almaty oblysynan qomaqty kómek kórsetildi. Aǵymdaǵy jyldyń 17 sáýirinde 51 birlik tehnika tiegen birinshi eshelon jetkizilip, túrli aýdandarǵa taratyldy. Oral qalasyna 15 birlik, Bórli aýdanyna 10 birlik, Aqjaiyq aýdanyna 32 birlik tehnika bólinip berildi, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Al 18 sáýirde, ekinshi eshelon 71 birlik tehnikany jetkizdi. Oral qalasyna 52 birlik, Qostolov aýdanyna 5 birlik, Bórili aýdanyna 8 birlik jáne Terekti aýdanyna 3 birlik bólindi. Oral qalasyna da qosymsha 49 birlik tehnika ákelindi.
Qazirgi tańda Batys Qazaqstan oblysyndaǵy sý tasqynyna qarsy is-sharalarǵa, Almaty oblysynan ákelingen barlyǵy 171 tehnika jumyldyrylǵan.
Atap aitqanda 122-si eshelonmen jetkizilse, Oral qalasynan kelisim-shart boiynsha jalǵa alǵan 42 birlik, jáne KazAvtoDor mekemesiniń filialynan 7 birlik tehnika baǵyttar boiynsha jumys isteýde. Bul tabiǵi apattarmen keshendi kúreste aitarlyqtai qosqan kúsh ári sý tasqynyna qarasy tiimdi kúresýge múmkindik beredi.
Osyndai is-sharalar, qiyn jaǵdaida elimizdiń óńirleri arasyndaǵy yntymaqtastyq pen aýyzbirshiligin, der kezinde kómek qolyn sozýdyń mańyzdylyǵyn kórsetti. Birlesken kúsh-jigerimiz sý tasqynynyń zardaptaryn azaitýǵa, jáne turǵyndardyń qaýipsizdigin qamtamasyz etýge septigin tigizedi dep senemiz.
