Sońǵy ýaqyttary Almaty oblysynda investitsiia tartý saiasatyn belsendi júrýde. Ótken jyly ǵana oblysqa 705 milliard teńgeden astam investitsiia tartylǵan. Iaǵni, 2022 jylmen salystyrǵanda 11%-ǵa jýyq artqan. Bul óz kezeginde úlken kórsetkish ekenin atap ótken jón, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Investitsiialyq jobalar arnaiy ekonomikalyq aimaqtardy qurý, tirkeý jáne litsenziialaý rásimderin jeńildetý, sondai-aq investorlarǵa salyqtyq jeńildikter engizý qyzmetteri qapysyz kórsetilýde.
Almaty oblysynda investitsiiaǵa jaily salalardyń kóptigi men investitsiialyq ahýaldyń joǵary deńgeii óńirdi sheteldik kompaniialar úshin tartymdy ete túsken.
Búginde óńirdiń investitsiialyq saiasaty – ónimdi tereń óńdeýge baǵyttalǵan. Nátijeli jumystardyń arqasynda óńdeýshi ónerkásipke investitsiialar kórsetkishi 2023 jyly 130 milliard teńgege jýyq qarjyny qurap, bir jyldyń ishinde 199%-ǵa ósken. Árine, maqtaýǵa turarlyq joǵary kórsetkish.
Respýblika kóleminde Almaty obylsy negizgi kapitalǵa investitsiialar qurylymyndaǵy syrtqy investitsiialar úlesi boiynsha 4-oryndy ielenip otyr. Búkil el boiynsha 27%-ǵa jýyq úles – Almaty oblysyna tiesili.
2023 jyldyń tek toǵyz ailyq qorytyndysy boiynsha Almaty oblysyna 585,9 mln dollar tikelei investitsiia tartylǵan.
Qazirgi tańda oblys aýmaǵynda sheteldik investorlardyń qatysýymen 6 myńǵa jýyq jumys ornyn qurylyp, quny 703 mlrd teńgeni quraityn 20 joba iske asyrylýda.
Osyndai jobalardyń birnesheýin – jobalaý men qurylystyń belsendi kezeńine temeki ónimderin óndiretin koreilik “KT&G” zaýyty, kartop chipsterin óndiretin “PepsiCo” amerikandyq kompaniiasy, qoima qurylysy boiynsha reseilik “Ozon” siiaqty transulttyq kompaniialardy atap ótýge bolady. Sonymen qatar, reseilik “TehnoNikol” oqshaýlaǵysh materialdar zaýyty, qytailyq “Jiangxi Copper” volframdy tereń óńdeý kombinaty iske qosylatyn bolady.
Almaty oblysy óziniń qarjy sektoryn belsendi damytýda. Aimaq Ortalyq Aziiadaǵy qarjylyq tehnologiialar habqa ainalyp, kóptegen kompaniialar qazirdiń ózinde startaptaryn qurýǵa jáne tsifrlyq platformalardy damytýǵa ynta tanytyp otyr.
Óndiristik infraqurylymdy damytýǵa jáne negizgi kapitalǵa investitsiialar tartý maqsatynda “Alataý” AEA aýmaǵy 30 myń gektardan 97 myń gektarǵa jýyq keńeitildi, bul árine, oblystyń úlken múmkindikterin paidalanyp, áleýmettik-ekonomikalyq jaǵdaidyń damýyna tiimdi baǵyt beredi.
Almaty oblysy indýstrialdy aimaq ekeni dáleldendi dep aitsa artyq emes, búginde jalpy aýdany 1400 gektarǵa jýyq 4 indýstrialdy aimaq qurylǵan, onyń ishinde 2 aimaq – Bereke men Qairat IA jumys isteidi.
Almaty oblysyna investitsiia salý – biznesti damytýǵa tamasha múmkindik. Óńir investorlar úshin qolaily jaǵdailardy usynyp, innovatsiialyq jobalardy belsendi túrde qoldap keledi. Budan basqa keń aýqymdy jeńildikter men preferentsiialardy usynýda.
