Oblystyq bilim berý basqarmasy basshysynyń orynbasary Gúljan Muhamajanqyzy Óńirlik kommýnikatsiialar qyzmetinde oblystyń jalpy bilim beretin uiymdarynda 2023-2024 oqý jylynyń aiaqtalýy jáne balalar men jasóspirimderdiń jazǵy kezeńde demalysy týraly baiandady, dep habarlaidy Dalanews.kz.
Osy oqý jylyn oblystyń 474 bilim berý uiymynda 350 011 oqýshy aiaqtaidy. Olardyń ishinde 11 synypty 14 222 oqýshy bitiredi. «Altyn belgige» úmitker – 948, «Úzdik attestatqa» úmitker 1206 oqýshy bar.
Gúljan Muhamajanqyzynyń aitýynsha, balalardy bilim nárimen sýsyndyryp júrgen ustazdar úshin de, jyl tabysty boldy.Oqý jyly ishinde 33 myń pedagog sapaly qyzmet atqaryp,aitarlyqtai nátijeler kórsetken. Máselen, byltyr halyqaralyq bilim jarystary men olimpiadalarda top jaryp, 117 bala júldeger atansa, biyl 150 bala jeńimpazdar qatarynan kóringen.
Sonymen qatar, spiker bilim sapasyn arttyrý maqsatynda oblys ákimdiginiń qoldaýymen «Jol kartasy» jasalǵanyn atap ótti. Jol kartasy aiasynda, «Bilim innovatsiia» halyqaralyq qoǵamdyq qorymen birlese otyryp, «50 tabysty mektep» jobasy júzege asyrylyp, bilim sapasy 1,6 paiyzǵa ósken.
Budan bólek, Gúljan Muhamajanqyzy balalardyń jazǵy demalysy qalai ótetinine toqtaldy.
Jazǵy demalys kezeńinde balalardyń saýyqtyrý demalysyn, olardyń bos ýaqytyn jáne saýyqtyrý uiymdaryn paidalanýǵa daiyndaý jáne qabyldaý jónindegi oblys ákiminiń ókimine sáikes qajetti is-sharalar uiymdastyrylýda.Oblys aýmaǵynda 20 jazǵy saýyqtyrý ortalyqtary bar. Onyń ishinde jazǵy kezeńde 1 memlekettik jáne 14 jekemenshik lager óz jumysyn bastaidy dep kútilýde.
«Biyl jazǵy demalysta 1-10 synypta oqityn 7-14 jas aralyǵyndaǵy 272 861 jetim jáne ata-anasynyń qamqorlyǵynsyz qalǵan balalar, az qamtylǵan, kóp balaly otbasylardyń balalary, múgedek jáne múmkindikteri shekteýli balalar, jalpy bilim beretin mektepterdiń úzdik oqýshylaryn qamtýy josparlanýda»,-deidi Gúljan Muhamajanqyzy.
Sonymen qatar, demeýshiler tarapynan 120 bala saýyqtyrý sharalarymen qamtamasyz etildi. Jáne de «Qazaqstan halqyna» qoǵamdyq qorynyń «Jazdyq saýyqtyrý joldamasy» áleýmettik jobasy aiasynda oblystyń 4 lagerine 2421 balaǵa joldama berildi.
Spikerdiń aqparynsha, balalar demalatyn lagerler tizimi barlyq múddeli organdar nazaryna jetkizilip,lager basshylarymen túsindirme jumystary júrgizilýde.Atap aitsaq, 15-17 mamyr aralyǵynda QR Úkimet apparatynyń aimaqtyq instpektorynyń jumys sapary barysynda tekserýler júrgizildi.Óńirdegi 5 lagerdiń jazǵy ýaqytta balalardy qabyldaýǵa daiyndyǵymen tanysty
