وبلىستىق ءبىلىم بەرۋ باسقارماسى باسشىسىنىڭ ورىنباسارى گۇلجان مۇحاماجان قىزى وڭىرلىك كوممۋنيكاسيالار قىزمەتىندە وبلىستىڭ جالپى ءبىلىم بەرەتىن ۇيىمدارىندا 2023-2024 وقۋ جىلىنىڭ اياقتالۋى جانە بالالار مەن جاسوسپىرىمدەردىڭ جازعى كەزەڭدە دەمالىسى تۋرالى باياندادى، دەپ حابارلايدى Dalanews.kz.
وسى وقۋ جىلىن وبلىستىڭ 474 ءبىلىم بەرۋ ۇيىمىندا 350 011 وقۋشى اياقتايدى. ولاردىڭ ىشىندە 11 سىنىپتى 14 222 وقۋشى بىتىرەدى. «التىن بەلگىگە» ۇمىتكەر – 948، «ۇزدىك اتتەستاتقا» ۇمىتكەر 1206 وقۋشى بار.
گۇلجان مۇحاماجان قىزىنىڭ ايتۋىنشا، بالالاردى ءبىلىم نارىمەن سۋسىندىرىپ جۇرگەن ۇستازدار ءۇشىن دە، جىل تابىستى بولدى.وقۋ جىلى ىشىندە 33 مىڭ پەداگوگ ساپالى قىزمەت اتقارىپ،ايتارلىقتاي ناتيجەلەر كورسەتكەن. ماسەلەن، بىلتىر حالىقارالىق ءبىلىم جارىستارى مەن وليمپيادالاردا توپ جارىپ، 117 بالا جۇلدەگەر اتانسا، بيىل 150 بالا جەڭىمپازدار قاتارىنان كورىنگەن.
سونىمەن قاتار، سپيكەر ءبىلىم ساپاسىن ارتتىرۋ ماقساتىندا وبلىس اكىمدىگىنىڭ قولداۋىمەن «جول كارتاسى» جاسالعانىن اتاپ ءوتتى. جول كارتاسى اياسىندا، «ءبىلىم يننوۆاسيا» حالىقارالىق قوعامدىق قورىمەن بىرلەسە وتىرىپ، «50 تابىستى مەكتەپ» جوباسى جۇزەگە اسىرىلىپ، ءبىلىم ساپاسى 1،6 پايىزعا وسكەن.
بۇدان بولەك، گۇلجان مۇحاماجان قىزى بالالاردىڭ جازعى دەمالىسى قالاي وتەتىنىنە توقتالدى.
جازعى دەمالىس كەزەڭىندە بالالاردىڭ ساۋىقتىرۋ دەمالىسىن، ولاردىڭ بوس ۋاقىتىن جانە ساۋىقتىرۋ ۇيىمدارىن پايدالانۋعا دايىنداۋ جانە قابىلداۋ جونىندەگى وبلىس اكىمىنىڭ وكىمىنە سايكەس قاجەتتى ءىس-شارالار ۇيىمداستىرىلۋدا.وبلىس اۋماعىندا 20 جازعى ساۋىقتىرۋ ورتالىقتارى بار. ونىڭ ىشىندە جازعى كەزەڭدە 1 مەملەكەتتىك جانە 14 جەكەمەنشىك لاگەر ءوز جۇمىسىن باستايدى دەپ كۇتىلۋدە.
«بيىل جازعى دەمالىستا 1-10 سىنىپتا وقيتىن 7-14 جاس ارالىعىنداعى 272 861 جەتىم جانە اتا-اناسىنىڭ قامقورلىعىنسىز قالعان بالالار، از قامتىلعان، كوپ بالالى وتباسىلاردىڭ بالالارى، مۇگەدەك جانە مۇمكىندىكتەرى شەكتەۋلى بالالار، جالپى ءبىلىم بەرەتىن مەكتەپتەردىڭ ۇزدىك وقۋشىلارىن قامتۋى جوسپارلانۋدا»،-دەيدى گۇلجان مۇحاماجان قىزى.
سونىمەن قاتار، دەمەۋشىلەر تاراپىنان 120 بالا ساۋىقتىرۋ شارالارىمەن قامتاماسىز ەتىلدى. جانە دە «قازاقستان حالقىنا» قوعامدىق قورىنىڭ «جازدىق ساۋىقتىرۋ جولداماسى» الەۋمەتتىك جوباسى اياسىندا وبلىستىڭ 4 لاگەرىنە 2421 بالاعا جولداما بەرىلدى.
سپيكەردىڭ اقپارىنشا، بالالار دەمالاتىن لاگەرلەر ءتىزىمى بارلىق مۇددەلى ورگاندار نازارىنا جەتكىزىلىپ،لاگەر باسشىلارىمەن تۇسىندىرمە جۇمىستارى جۇرگىزىلۋدە.اتاپ ايتساق، 15-17 مامىر ارالىعىندا ق ر ۇكىمەت اپپاراتىنىڭ ايماقتىق ينستپەكتورىنىڭ جۇمىس ساپارى بارىسىندا تەكسەرۋلەر جۇرگىزىلدى.وڭىردەگى 5 لاگەردىڭ جازعى ۋاقىتتا بالالاردى قابىلداۋعا دايىندىعىمەن تانىستى