Al Almaty oblysyna karantin qalai áser etedi?! Aimaq basshysy Amandyq Batalov tapsyrǵan koronavirýs indetine qarsy oblys ortalyǵynda júrgizilip jatqan 10 sharany sizderdiń nazarlaryńyzǵa usynamyz.
1. Almaty oblysynyń kásipkerleri Elbasy Nursultan Ábishuly Nazarbaevtyń úndeýin qoldady. Óz málimdemesinde kásipkerler koronavirýsqa qarsy kúreste yntymaqtastyq týraly bastamany tolyǵymen bólisetinin atap ótti.
Mysaly, Bolat Nazarbaevtyń "Saliqaly urpaq" qory COVID-19 virýsymen kúresý úshin 150 million teńge qarajat bóldi.
Óz kezeginde, "SODUL development" kompaniiasy Almaty qalasynda koronavirýsqa qarsy kúreske belsendi qatysatyn meditsinalyq mamandarǵa, IIM, TJ jáne basqa da salalardyń qyzmetkerlerine 18 myń etil spirtin jiberdi.
2. Almaty qalasynyń shyǵa berisine 16, Al Taldyqorǵanda táýlik boiy jumys isteitin 4 sanitarlyq beket ornatyldy.
Almaty mańyndaǵy blokpostarda kólik pen júk dezinfektsiialanady. Munda táýlik boiy politsiia nariadtary men SES qyzmetkerleri kezekshilik etedi.
Kezekshiler teplovizorlarmen, meditsinalyq maskamen jáne arnaiy kostiýmdermen tolyq qamtamasyz etilgen. Sonymen qatar, oblystyń densaýlyq saqtaý basqarmasy kúzet oryndarynda kezekshilik etetin quqyq qorǵaý organdary men ákimshilik qurylymdardyń qyzmetkerlerine arnalǵan meditsinalyq maskalar qoiylǵan.
3. Koronavirýstyń taralý qaýpine bailanysty Almaty oblysynyń meditsinalyq mekemeleri joǵary daiyndyq rejiminde jumys isteidi.
Oblys boiynsha Koronavirýstyq infektsiia diagnozy bar patsientterdi emdeý úshin 150 juqpaly aýrýlarǵa arnalǵan tósek, 800 provizorlyq jáne 1217 karantindik (observatsiia) tósek-oryn daiyndaldy.
Qajet bolǵan jaǵdaida jatyn oryn sany ulǵaitylady (11 217-ge deiin). Ambýlatoriialyq jáne statsionarlyq deńgeide 38 infektsionist, 143 anesteziolog-reanimatolog, 8 nefrolog, 12 transfýziolog, 98 nevrolog jáne 447 terapevt dárigerler jumys isteidi. Ortalyq aýdandyq aýrýhanalarda koronavirýs týraly jalǵan aqparatty anyqtaý boiynsha mobildi top quryldy. 17 aýdanda jáne 2 qalada bir komandadan jumys isteidi, Olar barlyq túsken suraqtarǵa jaýap beredi. Qorytyndy jasai otyryp, osy óńirde barlyq meditsinalyq mekemelerde maskalar men dári-dármekterdiń jetkilikti sany bar, sondai-aq olar kúsheitilgen rejimdeqyzmet atqarady.
5. Almaty qalasynda júktilik boiynsha esepte turǵan áielder qazirgi ýaqytta turyp jatqan Almaty oblysynyń kez kelgen meditsinalyq mekemesine kedergisiz jatqyzylýy múmkin. Sondai-aq, Almaty qalasynyń shekaralas aýdandarynyń gemodializ (sozylmaly búirek jetkiliksizdigi) diagnozy bar patsientterdi aýdandyq jedel meditsinalyq járdem aýrýhanasynan Almaty kópsalaly klinikalyq aýrýhanasyna jetkizedi.
6. "Qorǵas" ShYHO jabylýy uzartty. Almaty oblysynyń bas memlekettik sanitarlyq dárigeri Q. Baimuhambetov "Almaty oblysynda koronavirýstyq infektsiianyń ákelinýi men taralýyna jol bermeý sharalaryn kúsheitý týraly" qaýly qabyldady.
Bul qaýlyda "Qorǵas" ShYHO jumysyn aǵymdaǵy jyldyń 15 naýryzynan bastap oblystyń bas memlekettik sanitarlyq dárigeriniń erekshe ókimi shyǵarylǵanǵa deiin toqtata turý týraly aitylǵan.
Sondai-aq qaýlyǵa sáikes barlyq óndiristik úi-jailarda kúsheitilgen sanitarlyq-dezinfektsiialyq rejim engiziledi. Azamattar kóp jáne uzaq ýaqyt bolatyn ǵimarattarda qoldy óńdeýge arnalǵan dezinfektsiialyq quraly bar arnaiy aspaptar (sanitaraizerler) ornatylady.
7. Qazaqstan-qytai shekarasyndaǵy ótkizý pýnktterinde baqylaý kúsheitildi.
Atap aitqanda, árbir fýra Muqiiat dezinfektsiialanady, al júrgizýshiler sanitarlyq tekserýden ótedi. Óńirde barlyǵy 6 keden beketi bar.
"Nur Joly" ótkizý pýnktine keletin árbir fýra keminde eki ret dezinfektsiialaýdan ótedi. Bul tek mashina shanaǵy. Sondai-aq, mamandar júk kóliginiń kabinasyn muqiiat óńdeidi. Qazirgi ýaqytta ótkizý pýnktinde 20-ǵa jýyq termometriia apparaty bar.
8. Almaty oblysyndaǵy blok-beketterdi kesip ótý áreketi úshin 26 azamat qamaýǵa alyndy. Ustalǵan azamattarǵa qatysty QR ÁQBtK-niń 476-babynyń 1-bóligine sáikes ákimshilik quqyq buzýshylyq týraly hattamalar jasaldy.
Sonymen qatar, mamandandyrylǵan aýdanaralyq ákimshilik sottyń qaýlysymen atalǵan tulǵalardy ákimshilik qamaýǵa alý týraly sheshim shyǵaryldy.
Óńirde azyq-túlik jáne ózge de taýarlardyń bólshek baǵalary men qoryna kúndelikti monitoring júrgizildi. Búgingi tańda oblysta áleýmettik mańyzy bar azyq-túlik taýarlarynyń sany jetkilikti. Almaty oblysynyń turaqtandyrý qorynyń jumysy jáne áleýmettik mańyzy bar azyq-túlikterdi áleýmettik dúkender arqyly satý jandandyryldy. Jalpy somasy 1063,3 mln.teńgege 8626,4 tonna kóleminde azyq-túlik taýarlary satyldy. Oblystyń turaqtandyrý qorynda qazirgi azyq-túlik taýarlary 2364,8 tonnany quraidy, onyń ishinde bidai uny, qumsheker, kúrish, kúnbaǵys maiy, rojki, piiaz jáne kartop.
9. "NurOtan" partiiasynyń basshylyǵymen belsendiler men eriktiler Almaty oblysynyń kóp balaly otbasylaryna azyq-túlik jáne gigiena quraldary bar tegin áleýmettik paketterdi jetkizedi.
Jumys Oblys boiynsha júrgiziledi, ótinishter "onlain" rejiminde qabyldanady. Búgingi kúni " Biz birgemiz" aktsiiasy aiasynda 581 otbasyna 7 mln.835 myń teńge kóleminde kómek kórsetildi.
10. Jumyspen qamtýdyń jol kartasy aiasynda Almaty oblysynda 27,3 myń jumys ornyn qurýmen 1 240 joba iske asyrylatyn bolady. Óńirde "Jumyspen qamtýdyń jol kartasy" 4 baǵyt boiynsha júzege asyrylady.
Birinshiden, bul áleýmettik nysandardy kúrdeli jóndeý, qaita jańartý. Mysaly, tek bilim berý salasynda 88 nysan kúrdeli, aǵymdaǵy jóndeýge jatady, al 351 mektepte syrtqy dárethanalardy joiý kerek. Jalpy áleýmettik-mádeni salada 31,8 mlrd. teńgege 491 joba iske asyrylatyn bolady.
Ekinshiden, turǵyn úi-kommýnaldyq sharýashylyq obektilerin aǵymdaǵy, ortasha, kúrdeli jóndeý jáne qaita jańartý. Osy baǵyt boiynsha 79 nysan boiynsha 5 myńǵa jýyq jumys ornyn qurý kerek oǵan 20 mlrd.teńge qarastyrylǵan.
Úshinshi baǵyt, bul injenerlik-kólik infraqurylymyn kúrdeli, ortasha, aǵymdaǵy jóndeý jáne qaita jańartý. Munda 547 nysan boiynsha 8 500 myń jumys ornyn qurylmaq, osyǵan 34,2 mlrd.teńge bólinbek.
Tórtinshi baǵyt-eldi mekenderdi abattandyrý. Barlyǵy 153 nysandy 17 mlrd. teńgege jańartpaq. Sonymen qatar, irrigatsiialyq jelilerdi qaita jańartýǵa 6,2 mlrd. teńge qarastyrylǵan.
Sońǵy pýnkt týraly búgin selektorlyq rejimde ótken keńes barysynda belgili boldy. Óńir basshysy "Jumyspen qamtý jol kartasy" baǵdarlamasynyń mańyzdylyǵyn atap ótti»:
"Ózderińiz biletindei, Memleket Basshysy Qasym-Jomart Toqaev 23 naýryzda Tótenshe jaǵdai jónindegi memlekettik komissiianyń otyrysynda "Jumyspen qamtýdyń Jol kartasyn" júzege asyrý úshin 1 trln.teńge bólýdi tapsyrdy. teńge. Onyń ishinde Almaty oblysyna 109,2 mlrd.teńge bólindi.
Bul bizdiń óńir úshin óte mańyzdy jáne qajetti qarajat. Birinshi kezekte halyqty jumyspen qamtý máselesin sheshý mańyzdy. Óitkeni koronavirýsqa bailanysty oblystyń kóptegen turǵyndary jumyssyz qaldy. Olardyń otbasylaryna jaǵdai jasap, jańa jumys oryndaryn ashý qajet.
Buǵan deiin jumys jasaýǵa osyndai orasan zor qarajat bólingen joq. Sondyqtan biz olardy bólgende jaýapkershilikpen qaraýymyz kerek. Esepti kezdesý, jeke qabyldaýlar kezinde turǵyndar júgingen oblystyń aýdandary men qalalaryna da qarajat bólemiz.
Turǵyndardyń barlyq ótinishterin taldap, bólingen qarajatqa mańyzdy jáne qajetti jobalardy júzege asyrý qajet. Joldardy jasaý, áleýmettik nysandardy jóndeý jáne t.b., - dep atap ótti A. Batalov.
