Almaty oblysy ákiminiń orynbasary Batyrjan Baijumanovtyń aitýynsha, atalǵan qarajatqa 3 kompiýterlik tomograf, 18 rentgen apparaty, 150 ókpeni jasandy jeldetý apparaty, jáne aýdandar úshin 135 jedel járdem kóligi men 12 jyljymaly meditsinalyq keshen satyp alynǵan. Nátijesinde jedel járdem brigadalarynyń sany 165-ten 205-ke deiin kóbeitiletin bolady.
– Búgingi tańda oblystyń 13 aýrýhanasy ottegi stantsiialarymen qamtamasyz etilgen. Sonymen qatar, 1070 ottegi kontsentratory satyp alyndy. Jaqynda ashylǵan 200 tósektik jańa infektsiialyq aýrýhana qysqa merzimde paidalanýǵa berildi. Odan bólek aýyr naýqastar men balalarǵa arnalǵan kóp salaly aýrýhanalar bazasynda 4 ahýaldyq ortalyq quryldy. Jalpy ekinshi tolqynǵa barlyǵy 5280 tósek-oryn daiyndaldy,– dedi Batyrjan Baijumanov.
Al, koronavirýs infektsiiamen kúreske oblys boiynsha 3455 meditsina qyzmetkeri, onyń ishinde 851 dáriger jumyldyrylady.
Óńirdiń bas dárigeri Ómirzaq Niiazbekovtyń aitýynsha, 28 qarasha kúngi jaǵdai boiynsha oblysta koronavirýs infektsiiasymen 5 adam tirkeldi.
– Almaty oblys boiynsha koronavirýs infektsiiasynyń ósý qarqyny táýligine 0,1%, sońǵy aptada 0,2% qurady. Qazirgi ýaqytta infektsiialyq statsionardyń 1 deńgeidegi júktemesi 24,3% quraidy, – dep málimdedi Ómirzaq Niiazbekov.
