Búgin Almaty oblysy ákimi Marat Sultanǵazıevtiń tóraǵalyǵymen Almaty oblysy qoǵamdyq kelisim jáne damý ortalyǵynyń uıymdastyrýymen Qazaqstan halqy Assambleıasynyń Almaty oblysy boıynsha HHİH sesıasy ótti, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Qazaqstan halqy Assambleıasynyń HHHİİİ sesıasynda Memleket basshysy Qasym-Jomart Toqaev birqatar kezek kúttirmeıtin mindetterdi atap ótti, olarǵa qol jetkizý úshin kúsh-jigerdi jumyldyrý qajet ekenin aıtqan bolatyn.

– Almaty oblystyq Qazaqstan halqy assambleıasynyń aldaǵy ýaqytta da beıbitshilikti, dostyq pen izgilikti nyǵaıtý jolynda qyzmet etip, oblysymyz birlik pen qoǵamdyq kelisimniń úlgisi bolyp qala beretinine senimdimin, – dedi oblys ákimi Marat Sultanǵazıev.

Almaty oblystyq Assambleıanyń muryndyq bolýymen bıylǵy jarty jylda óńirimizde tatýlyq pen dostyqty nyǵaıtý baǵytynda aýqymdy jumystar atqarylyp, 200-den astam is-shara ótkizildi.

Aıtalyq, «Júrekten-júrekke» respýblıkalyq aksıasy aıasynda Almaty oblysy Qazaqstan halqy Assambleıasynyń mesenattary men qurylymdary sý tasqynynan zardap shekkenderge 60 mln teńgege jýyq qarjylaı kómek kórsetip, 4 júk kóligi jáne 3 vagon áleýmettik kómek jóneltildi.  Sondaı-aq kóp balaly jáne az qamtylǵan otbasylarǵa, ardagerler men múgedek balalarǵa 23 mıllıon teńge kóleminde kómek kórsetildi.

Búgingi tańda oblystyq Qazaqstan halqy Assambleıasy janynda 141 aqsaqaldar keńesi jumys isteıdi, QHA músheleriniń jalpy sany 1176 adamdy quraıdy. Almaty oblysynda 105 etnos turady, 26 etnomádenı birlestik bar.  Sondaı-aq, barlyq aýdan, qalalarda 146 Analar keńesi qurylyp, olardyń jalpy sany 1200 adam.  Bul qurylymdarǵa qoǵamdyq uıymdardyń belsendileri, zeınetker ustazdar, etnomádenı ortalyqtardyń músheleri, zańgerler, BAQ ókilderi kiredi.

Qazaqstan oblysy halqy Assambleıasy aldaǵy ýaqytta da tatýlyq, dostyq pen izgilikti nyǵaıtý jolynda qyzmet etip, óńirimiz máńgilik el birligi men qoǵamdyq kelisim úlgisi bolyp qala bermek.