Almaty oblysy ákiminiń birinshi orynbasary Qanat Esbolatov múgedek jandar týraly aitqan sózin túsindirip berdi, dep habarlaidy Dalanews.kz.
Esbolatov Densaýlyq saqtaý ministrimen Talǵarda ótken kezdesýge qalyń jurt jinalǵanyn, árqaisysy ózekti másele kóterip, suraq qoiýǵa asyqqanyn atap ótti. Sondyqtan kezek te úlken bolǵan.
"Reglament boiynsha kezdesýge eki saǵat bólingen edi. Biraq, suraqtardyń kóp bolýyna bailanysty jiyn shamamen 4 saǵatqa sozyldy. Kelgen azamattardyń arasynda birqatar múmkindigi shekteýli jan boldy. Keibiri tik turyp, óz kezegin kútti. Kezegi jetkende zaldaǵy birneshe adam sózin bólip, oǵan kedergi jasai bastady. Reglamentti saqtaýǵa shaqyrdym. Alaida orys tilinde aitqan sózimde qatelik bar. Oiymdy durys jetkizbeppin. “Qudai úlken synaq bergen” dep aitpaq bolǵanmyn.
Aitqan sózim kópshiliktiń kóńiline, tipti namysyna tigenin de túsindim. Osy úshin shyn nietimmen keshirim suraimyn", - deidi sheneýnik.
Qanat Esbolatov aýqymdy is-sharalarda aldymen egde jastaǵy turǵyndarǵa jáne múmkindigi shekteýli azamattarǵa jol berý mańyzdy ekenin aitady.
"Qai jiyn bolmasyn, olardy kóp kúttirmei, kezeksiz tyńdaý – durys ári adamgershilikke sai dep esepteimin. Sizderdiń pikirlerińiz ben reaktsiialaryńyz men úshin óte mańyzdy. Jiynda kóterilgen ár suraqty ákimdik pen ministrlik nazarǵa aldy, kópshiligine sol jerde jaýap berildi. Qosymsha pysyqtaýdy qajet etetin máseleler hattamaǵa engizilip, baqylaýǵa alyndy. Ministrlikpen birge bul baǵyttaǵy jumysty jalǵastyramyz.Belsendilik tanytqandaryńyz úshin barshańyzǵa taǵy da alǵys aitamyn", - deidi ákimniń birinshi orynbasary.
Aita keteiik, áńgime Almaty oblysynda densaýlyq saqtaý ministri Aqmaral Álnazarovanyń halyqpen kezdesýinde bolǵan oqiǵa jaily bolyp otyr. Oblys ákiminiń birinshi orynbasarynyń múmkindigi shekteýli jandar týraly aitqan sózi jurttyń ashýyna tigen edi.
Ol halyqty sabyrǵa shaqyryp, artynsha múmkindigi shekteýli jandar týraly aitqan.
"Múgedekterdiń eńsesin túsirmeiik. Onsyz da Alla taǵala bul kisilerdi, oryssha aitqanda, "ih nakazali". Syilaiyq. Sol úshin qudai bastaryńyzǵa salmasyn. Qol-aiaqtaryńyz túgel, aýrý emessizder, osy kisilerdi qabyldasyn", - degen edi sheneýnik.
