Merekelik sharaǵa ár óńirden 9 jastan 13 jasqa deiingi ata-anasynyń qamqorlyǵynsyz qalǵan balalar, jetim balalar, az qamtylǵan otbasynyń balalary, úzdik oqityn, respýblikalyq jáne halyqaralyq oqýshylar olimpiadalarynda, sporttyq jarystarda jetistikke jetken, jalpy sany 200 astam bala qatysty.
Aimaqtyqtyń túkpir-túkpirinen kelgen balalardy Almaty oblysynyń ákimi Marat Sultanǵaziev jańa jyl merekesimen arnaiy quttyqtady.
«Búgingi jańa jyl merekelik shyrshasyna jinalǵan daryndy balaqailar! Sizderdi tórimizge kelip jetken Jańa jyl merekesimen shyn júrekten quttyqtaimyn!
Jańa jyl – zor qýanyshpen asyǵa kútetin, biik arman-maqsattardy belgileitin ǵajaiyp mereke.
Prezidentimiz sizderdiń bolashaqtaryńyzǵa úlken úmit artyp, zor senimmen qaraidy.
Sanaly tárbie arqyly boilaryńyzǵa sińgen sapaly bilimderińiz tek qana igilikke, jaqsylyqqa jarasyn!
2023 jyl elimiz úshin tabysty, densaýlyq pen molshylyq, tatýlyq pen yntymaq, asyl murattarymyzǵa jetetin berekeli jyl bolǵai. Ár otbasynda baqytty balanyń kúlkisi men syńǵyry estilsin. Elimiz aman, jurtymyz tynysh bolyp, jarqyn bolashaqqa degen senim nyq bolsyn!»,-dedi óńir basshysy Marat Sultanǵaziev.
Oblys ákimi quttyqtaý sózinen keiin,
Prezidenttik shyrshaǵa qatysýshylar úshin dástúrli syilyq Qazaqstan Respýblikasy Prezidentiniń atynan ár balaǵa 100 myń teńge somasynda aqshalai sertifikat, H.Andersenniń úsh tilde jazylǵan ertegi kitaby, Prezidenttiń quttyqtaý haty men zattai syilyqtardy tabys etti.
Shara barysynda balalarǵa arnalǵan qoiylymdar usynyldy.
Jan-jaqtan kelgen mereke qonaqtary úshin án men biden shashý shashylyp, ertegi men mýltfilm keiipkeri keremet kóńil kúi syilady.
Bul kórinis Prezident shyrshasyna alǵash ret kelgenderdi erekshe áserge bóledi. Sonyń biri, Aiaýlym Iztileý.
«Men biyl tuńǵysh ret osyndai shyrshaǵa kelip turmyn. Ózime qatty unady. Jańa jyldyń kelgeni sezilip jatyr. Prezidentimizge alǵysymdy bildiremin, bizderge osynaý qýanysh syilaǵany úshin»,-deidi Aiaýlym Iztileý.
Jańa jyldyq merekeniń basty keiipkerleri Aiaz ata men Aqshaqar bul joly da keshtiń kórkin kirgizdi.
Ár kelgen qonaqtyń ánine bilep, óleńderine shynaiy qýanyp, aq tilekterin de jetkizdi. Bul osy bir sharanyń sharyqtaý shegine jetkizgen boiamasyz sát deidi kelýshi oqýshylar.
«Mundaǵy alǵan áserim erekshe. Birinshi ret kelgendikten qobaljypta turmyn. Áitse de, barlyǵy unap jatyr.Erekshe qýanyp turmyn»,- dedi Madina Tólendi.
Túrli tústi shamdar, úlken shyrsha, yrǵaqty áýen, myń buralǵar bi bunyń barlyǵy bala kóńiliniń tórinen oryn alǵan Prezidenttiń erek syiy bolǵany sózsiz.
