مەرەكەلىك شاراعا ءار وڭىردەن 9 جاستان 13 جاسقا دەيىنگى اتا-اناسىنىڭ قامقورلىعىنسىز قالعان بالالار، جەتىم بالالار، از قامتىلعان وتباسىنىڭ بالالارى، ۇزدىك وقيتىن، رەسپۋبليكالىق جانە حالىقارالىق وقۋشىلار وليمپيادالارىندا، سپورتتىق جارىستاردا جەتىستىككە جەتكەن، جالپى سانى 200 استام بالا قاتىستى.
ايماقتىقتىڭ تۇكپىر-تۇكپىرىنەن كەلگەن بالالاردى الماتى وبلىسىنىڭ اكىمى مارات سۇلتانعازييەۆ جاڭا جىل مەرەكەسىمەن ارنايى قۇتتىقتادى.
«بۇگىنگى جاڭا جىل مەرەكەلىك شىرشاسىنا جينالعان دارىندى بالاقايلار! سىزدەردى تورىمىزگە كەلىپ جەتكەن جاڭا جىل مەرەكەسىمەن شىن جۇرەكتەن قۇتتىقتايمىن!
جاڭا جىل – زور قۋانىشپەن اسىعا كۇتەتىن، بيىك ارمان-ماقساتتاردى بەلگىلەيتىن عاجايىپ مەرەكە.
پرەزيدەنتىمىز سىزدەردىڭ بولاشاقتارىڭىزعا ۇلكەن ءۇمىت ارتىپ، زور سەنىممەن قارايدى.
سانالى تاربيە ارقىلى بويلارىڭىزعا سىڭگەن ساپالى بىلىمدەرىڭىز تەك قانا يگىلىككە، جاقسىلىققا جاراسىن!
2023 جىل ەلىمىز ءۇشىن تابىستى، دەنساۋلىق پەن مولشىلىق، تاتۋلىق پەن ىنتىماق، اسىل مۇراتتارىمىزعا جەتەتىن بەرەكەلى جىل بولعاي. ءار وتباسىندا باقىتتى بالانىڭ كۇلكىسى مەن سىڭعىرى ەستىلسىن. ەلىمىز امان، جۇرتىمىز تىنىش بولىپ، جارقىن بولاشاققا دەگەن سەنىم نىق بولسىن!»،-دەدى ءوڭىر باسشىسى مارات سۇلتانعازييەۆ.
وبلىس اكىمى قۇتتىقتاۋ سوزىنەن كەيىن،
پرەزيدەنتتىك شىرشاعا قاتىسۋشىلار ءۇشىن ءداستۇرلى سىيلىق قازاقستان رەسپۋبليكاسى پرەزيدەنتىنىڭ اتىنان ءار بالاعا 100 مىڭ تەڭگە سوماسىندا اقشالاي سەرتيفيكات، ح.اندەرسەننىڭ ءۇش تىلدە جازىلعان ەرتەگى كىتابى، پرەزيدەنتتىڭ قۇتتىقتاۋ حاتى مەن زاتتاي سىيلىقتاردى تابىس ەتتى.
شارا بارىسىندا بالالارعا ارنالعان قويىلىمدار ۇسىنىلدى.
جان-جاقتان كەلگەن مەرەكە قوناقتارى ءۇشىن ءان مەن بيدەن شاشۋ شاشىلىپ، ەرتەگى مەن مۋلتفيلم كەيىپكەرى كەرەمەت كوڭىل كۇي سىيلادى.
بۇل كورىنىس پرەزيدەنت شىرشاسىنا العاش رەت كەلگەندەردى ەرەكشە اسەرگە بولەدى. سونىڭ ءبىرى، اياۋلىم ىزتىلەۋ.
«مەن بيىل تۇڭعىش رەت وسىنداي شىرشاعا كەلىپ تۇرمىن. وزىمە قاتتى ۇنادى. جاڭا جىلدىڭ كەلگەنى سەزىلىپ جاتىر. پرەزيدەنتىمىزگە العىسىمدى بىلدىرەمىن، بىزدەرگە وسىناۋ قۋانىش سىيلاعانى ءۇشىن»،-دەيدى اياۋلىم ىزتىلەۋ.
جاڭا جىلدىق مەرەكەنىڭ باستى كەيىپكەرلەرى اياز اتا مەن اقشاقار بۇل جولى دا كەشتىڭ كوركىن كىرگىزدى.
ءار كەلگەن قوناقتىڭ انىنە بيلەپ، ولەڭدەرىنە شىنايى قۋانىپ، اق تىلەكتەرىن دە جەتكىزدى. بۇل وسى ءبىر شارانىڭ شارىقتاۋ شەگىنە جەتكىزگەن بوياماسىز ءسات دەيدى كەلۋشى وقۋشىلار.
«مۇنداعى العان اسەرىم ەرەكشە. ءبىرىنشى رەت كەلگەندىكتەن قوبالجىپتا تۇرمىن. ايتسە دە، بارلىعى ۇناپ جاتىر.ەرەكشە قۋانىپ تۇرمىن»،- دەدى مادينا تولەندى.
ءتۇرلى ءتۇستى شامدار، ۇلكەن شىرشا، ىرعاقتى اۋەن، مىڭ بۇرالعار بي بۇنىڭ بارلىعى بالا كوڭىلىنىڭ تورىنەن ورىن العان پرەزيدەنتتىڭ ەرەك سىيى بولعانى ءسوزسىز.
