Sot Almaty metrosyn salý kezindegi aqsha jymqyrýdaǵy aiyptalýshylarǵa taǵaiyndalǵan bas bostandyǵynan aiyrý jazasyn jáne qarjylyq óndirip alýdy kúshinde qaldyrdy, dep habarlaidy Dalanews.kz.
Almaty qalalyq sotynyń qylmystyq ister jónindegi sot alqasy 22 shildede metropolitenniń birinshi jelisiniń ekinshi kezegin salý kezinde asa iri kólemde urlyq jasaldy degen iske bailanysty sottalǵandar men olardyń advokattarynyń apelliatsiialyq shaǵymdaryn qarady. Áńgime «Saryarqa» jáne buryn «Dostyq» atalǵan, qazir «Baýyrjan Momyshuly» stantsiialaryn salý jaily boldy.
Memleketke keltirilgen shyǵyn 5 mlrd teńgeden astam dep baǵalandy. Aiyptalýshylar ony birlesip óteýge mindetteldi, sondai-aq olardyń múlkine tyiym salyndy.
Quny 62 mlrd teńgelik stantsiialardy salý tenderin 2015 jyly «Almatymetrokurylys» utyp alǵan. Jumys tek 2022 jyly aiaqtaldy.
«Metropoliten» jáne «Almatymetrokurylys» kompaniialarynyń burynǵy basshylaryna 8 jyl bas bostandyǵynan aiyrý jazasy taǵaiyndaldy. Ózge figýranttar 2 jyl 9 aidan 8 jylǵa deiin túrme jazasy taǵaiyndaldy.
Advokattar úkimdi joiýdy jáne jańa saraptamalar taǵaiyndaýdy talap etti. Biraq apelliatsiialyq sot qolda bar dálelderdi jetkilikti dep tanydy.
Múlik pen qarjyǵa salynǵan tyiym memleketke keltirilgen shyǵyn ótelgenge deiin saqtalady. Al kepildik qarajattyń bir bóligi qaitaryldy.
