Shyǵys Qazaqstan oblysyna jumys sapary barysynda Almaty ákimi Erbolat Dosaev pen óńir basshysy Ermek Kósherbaev birneshe baǵyt boiynsha óńiraralyq kooperatsiiany kúsheitýge kelisti.
Keńeste Almaty men Shyǵys Qazaqstan oblysynyń ekijaqty ekonomikalyq bailanystary myqty ekendigi atap ótildi. Máselen, 2023 jyly ózara saýda kólemi 30 mlrd teńgeden asty. Alaida taraptar óńirler arasyndaǵy ózara tiimdi yntymaqtastyqtyń áleýeti aitarlyqtai keńeitilýi múmkin ekenin atap ótti.
Taraptar ShQO aýyl sharýashylyǵy taýar óndirýshilerimen jobalardy iske asyrý múmkindikterin talqylady. Almaty jylyna 4,2 mlrd dollarǵa 1,8 mln tonna ónim tutynady, onyń shamamen 45% - y importtalady.
ShQO-da óndirilgen aýyl sharýashylyǵy ónimderin Almaty tutynýshylaryna jetkizýdi qamtamasyz etý maqsatynda deldaldarsyz, megapolis turǵyndaryna óz ónimderin usynýdy jáne ózderiniń jelilik saýda núktelerin qurýdy josparlap otyrǵan kompaniialardyń short-paraǵy jasalady.
Megapolis bazarlarynda Shyǵys Qazaqstandyq azyq- túlik taýarlarynyń ókildigin keńeitý úshin Almatydaǵy qoldaý quraldaryn paidalanýǵa bolady. Mysaly, «forvardtyq satyp alý» jáne «ainalym zaemdary» boiynsha qarjylandyrý arqyly.
Qadamdyq iske asyrý jospary 2024-2025 jyldarǵa arnalǵan yntymaqtastyqtyń Jol kartasyna engiziledi.
Budan basqa, áleýmettik mańyzy bar azyq-túlik taýarlarynyń baǵasyn tejeý úshin «Almaty» ÁKK jáne «Ertis» ÁKK bir-birine saýda jelilerine jáne Almatynyń azyq-túlik naryqtaryna ónim jetkizýge kelisimsharttar jasasý boiynsha járdem kórsetedi.
Sondai-aq týristik klaster aiasyndaǵy ózara is-qimyl máseleleri qaraldy. ShQO men Almaty týristik kórikti jerlerimen tanymal, olarǵa sheteldik qonaqtar úshin biryńǵai týristik paketter túrinde barý josparlanýda.
Kezdesý barysynda Almaty delegatsiiasy tsifrlyq sheshimderdi qoldanýǵa, úlken derekterdi taldaýǵa jáne paidalanýǵa negizdelgen qalalyq jobalardy iske asyrý tájiribesimen bólisti.
Sondai-aq, Indýstrialdy aimaq pen shaǵyn ónerkásip parkterin damytý tájiribesi usynyldy. Osy jyldyń II toqsanyndaǵy jaǵdai boiynsha Indýstrialdy aimaqtyń rezidentteri 2 trln teńgege jýyq ónim óndirip, 54 mlrd teńgege jýyq somaǵa salyq tóledi. Sonymen qatar, qalada 4,4 myńnan astam jumys ornyn qurýmen shaǵyn ónerkásip parkteriniń 37 jobasy iske asyrylýda.
Kezdesý qorytyndysy boiynsha taraptar ShQO-da aýyl sharýashylyǵy ónimin óndirýdi yntalandyrýǵa, ónerkásiptik kásiporyndardyń kooperatsiiasyna jáne eki óńirdiń týristik operatorlary arasyndaǵy yntymaqtastyqty damytý jónindegi sharalarǵa baǵyttalǵan ózara yntymaqtastyq týraly Memorandýmǵa qol qoidy. Almaty jáne ShQO ákimderi bul kelisim ekijaqty yntymaqtastyqtyń sapaly jańa deńgeige shyǵýyna yqpal etetinine senim bildirdi.
