Almaty qalasynyń biýdjetin naqtylaý biýdjettik baǵdarlamalar ákimshileri arasynda qarajatty ishki qaita bólý esebinen júrgiziledi. Bul týraly máslihattyń kezekti sessiiasynda Almaty qarjy basqarmasynyń basshysy Qanat Sýhambekov málimdedi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Onyń aitýynsha, biýdjettiń kiris jáne shyǵys bóligi 82,9 mlrd teńgege, onyń ishinde memlekettik satyp alý qorytyndylary boiynsha únemdeý esebinen – 18,1 mlrd teńgege, sondai-aq kelesi jylǵa 57,9 mlrd teńge kóleminde qarajat aýdarý esebinen azaitylatyn bolady.
– 2025 jylǵa qarajat aýdarýdyń negizgi sebepteri – merdigerlerdiń sharttyq mindettemelerdi tiisinshe oryndamaýy, konkýrstyq rásimderdi uzaq ýaqyt ótkizý, – dep atap ótti Qanat Sýhambekov, jańa bastamalar boiynsha jumys qarqynynyń ozyp ketýine bailanysty qosymsha 21,3 mlrd teńge bólinetinin, olar áleýmettik mańyzy bar jobalar men is-sharalardy qosymsha qarjylandyrýǵa baǵyttalatynyn aitty.
