Almaty mańynda apatqa ushyraǵan Bek Air ushaǵy ushýǵa deiingi daiyndyq rettelmegen túrli tehnikalyq reglamentterdiń “arasynda” qalyp, sol sebepti “jaǵdaidyń tutqynyna ainaldy”. Mundai málimdemeni bas kólik prokýratýrasy jasady, dep habarlaidy Dalanews.kz.
Mekemeniń málimetinshe, salalyq qaýipsizdikke qatysty zamanaýi talaptarǵa sai keshendi zańnamanyń joqtyǵy osyndai máselelerdi týdyrǵan. Vedomstvonyń sózinshe, uzaq ýaqyt boiy áýe kóligi salasyndaǵy mańyzdy protsester bir-birimen bailanyspaǵan ishki erejelermen ǵana rettelip keldi, al kólik ministrliginde osy baǵytta naqty normativtik-quqyqtyq aktiler qabyldaýǵa zańdy ókilettik bolmaǵan.
Prokýrorlar bastamasymen jańa zańǵa ózgerister engizilip, ushaqtardy muzdan qorǵaý erejeleri bekitildi. Bul tek aviatsiia salasy ǵana emes, temirjol men avtokólik infraqurylymynda da sheshimin tappaǵan máseleler bar. Máselen, temirjoldaǵy vagondardy jóndeý jáne jóndeý kásiporyndaryna qoiylatyn biliktilik talaptary áli kúnge deiin “Qazaqstan temir joly” kompaniiasynyń ishki aktilerimen ǵana shektelgen. Al zańǵa sáikes, mundai protsester normativtik-quqyqtyq tártipte rettelýi kerek. Bas kólik prokýratýrasynyń talap etýimen kólik ministrligi tiisti normativtik-quqyqtyq aktilerdi ázirleý úshin vedomstvoaralyq jumys tobyn qurdy.
El ishindegi avtojoldar qaýipsizdigi de dál osyndai olqylyqtarǵa tap bolyp otyr. Qaýipti ýchaskelerde jii oryn alatyn jol-kólik oqiǵalarynyń aldyn alý tetikteri aiqyn emes, al kólik ministrliginde zańdy túrde yqpal etetin ókilettikter bolmady. Prokýratýra usynysynan keiin “Jol qozǵalysy týraly” zańǵa tolyqtyrýlar engizý qaralyp jatyr. Sonymen birge tótenshe jaǵdailar ministrligi trassalardaǵy meditsina-spasatelnyi pýnktterdiń ornyn anyqtaityn arnaiy ádisteme bekitti. Bul der kezinde kómek kórsetýge jaǵdai jasaidy.
Buǵan deiin 300 shaqyrymdyq magistraldyq jol jabylyp, 400-ge jýyq vagonnyń paidalanylýyna tyiym salynǵany habarlanǵan. Aldaǵy ýaqytta kólik prokýratýrasy respýblikadaǵy barlyq kólik infraqurylymyndaǵy negizgi úsh máseleni joiýdy kózdep otyr.
