Almaty kásipkerleri: «Lokdaýn men shekteýler damýymyzǵa tusaý salýda, halyq vaktsina alýy kerek»
Aita keterligi, Almaty ákimdigi qalanyń kásipkerler palatasymen jáne meditsinalyq uiymdarmen birlesip kóshpeli egý sharasyn uiymdastyrýǵa baǵyttalǵan is-sharalardy júrgizýde. Osylaisha, jappai vaktsinatsiia bastalǵaly beri uiymnyń eńbek ujymdaryna 50-den astam kóshpeli kezdesý uiymdastyrylǵan. Sondai-aq, mobildi toptar kásiporyndarǵa baryp, vaktsinalanýdyń mańyzyn túsindirýde.
RG Brands kompaniiasynyń basshysy Qairat Májibaevtyń aitýynsha, saiasi, áleýmettik jáne mádeni aiyrmashylyqtarǵa qaramastan, barlyq elder COVID-19-ben kúresýde jáne vaktsinatsiia negizgi faktorlardyń biri bolyp tabylady.
– Búkil álem COVID-19-ǵa qarsy kúreske birikti, bul naryqtyq faktor, naryqtyń ózgerýi. Biz, kásipkerler, COVID-19 biznes úshin uzaq merzimdi keri turaqty faktorǵa ainalmaýy úshin vaktsinalaný qajet. Qazir kompaniia basshylyǵynyń basty mindetteriniń eńbek ujymyn qorǵaý. Sonymen qatar, menedjer retinde qyzmetkerlerdiń úzdiksiz jumys jasaýy, jaily jaǵdaidy qalyptastyrý óte mańyzdy. Sondyqtan, ekpe saldyrý eńbek ónimdiligin arttyryp qana qoimaidy, denimizdiń saý ári ainalamyzdyń aman bolýynyń basty faktoryna ainalady, – dedi Qairat Májibaev.
Almaty qalasy Kásipkerler palatasy Óńirlik keńesiniń tóraǵasy Maksim Baryshevtiń aitýynsha, vaktsinatsiia alý asa qajet. Kásiporyndarda jappai vaktsinatsiia birinshi kezekte ujymdyq immýnitetti alý úshin qajet, sebebi bul bizneske tikelei áser etedi.
– Eger adamdardyń bári saý bolsa, onda olardyń barlyǵy jumysqa tolyq kirise alady. Eger bizneske shekteý qoiylmasa, el ekonomikasy damyp, daǵdarysqa deiingi deńgeige jetedi. Menińshe, vaktsinatsiia – bul oryn alǵan jaǵdaidan shyǵýdyń joly, – deidi Maksim Baryshev.
Raimbek Group holdinginiń negizin qalaýshy jáne direktorlar keńesiniń tóraǵasy, kásipker jáne qoǵam qairatkeri Raiymbek Batalov vaktsinany ózi aldy, onyń otbasy da onyń úlgisin ustandy.
[video width="848" height="480" mp4="https://dalanews.kz/wp-content/uploads/2021/08/WhatsApp-Video-2021-08-19-at-16.33.41.mp4"][/video]
– Biz halyqtyń 70-75%-dan astamy vaktsinalanbaǵan kezde ujymdyq immýnitet bolmaitynyn jáne biz biznes retinde únemi lokdaýn men shekteýlerden zardap shegetinin túsinemiz. Ekpe saldyrý infektsiianyń taralýyn toqtatady, ózara bailanysqa jol ashady, qalypty ómirge qaita oralýmyzǵa múmkindik beredi. Sondyqtan bárimiz birigip, sanalylyq tanytyp, vaktsinalansaq, qaýipti pandemiiany sózsiz jeńemiz, – dedi Raiymbek Batalov.
Búginde Almatyda jalpy 1 aqpannan 18 tamyzǵa deiingi aralyqta 828 376 adam I komponentpen, 655 235 adam II komponentpen egildi. Ótken táýlikte 5 153 adam birinshi komponentpen, al 6276 adam ekinshi komponentpen vaktsinalandy.
Eske salsaq, qalada meditsinalyq uiymdarda, mektepterde, mádeniet jáne sport nysandarynda, bazarlarda jáne qalanyń SOSO-da 160 ekpe pýnkti bar (250-ge deiin ulǵaitý múmkindigimen). 1 028 adamnan turatyn 237 ekpe brigadasy jumyldyryldy.
