2025 jylǵa arnalǵan jospar 7 284 adamdy, onyń ishinde jetim balalardy turǵyn úımen qamtamasyz etýdi qamtıdy,- dep habarlaıdy Dalanews.kz Almaty qalasynyń komýnaldyq ınfraqurylymdy damytý basqarmasyna silteme jasap.
Almaty ákimi Erbolat Dosaevtyń tapsyrmasy boıynsha belgilengen 20% kvotaǵa sáıkes kópbalaly otbasylardy, halyqtyń áleýmettik osal toptaryn jáne búdjettik uıymdar qyzmetkerlerin qosa alǵanda, azamattardyń neǵurlym osal sanattaryna turǵyn úı beriledi.
«Turǵyn úı qatynastary týraly» Qazaqstan Respýblıkasy Zańynyń 74-babyna sáıkes komýnaldyq turǵyn úı qorynan turǵyn úı kezektilik tártibimen ǵana beriledi. 2024 jyly osy baǵdarlama boıynsha 5 594 adam baspanamen qamtamasyz etildi.
Baǵdarlama aıasynda 2000 azamat komýnaldyq turǵyn úı qorynan jaldamaly páterler aldy. Onyń ishinde 404 páter jetim balalarǵa bólindi, bul berilgen turǵyn úıdiń jalpy sanynyń 20% - na sáıkes keledi. Sonymen qatar, ótken jyly 257,7 mln teńgege 207 turǵyn úı sertıfıkaty berildi. Sertıfıkat alýshylar 1 jáne 2 toptaǵy múgedekter, múgedek balalary bar otbasylar, kópbalaly otbasylar jáne jetim balalar boldy.
2025 jyly HÁOT jáne jetim balalarǵa bólinetin turǵyn úı úlesi 20% deńgeıinde saqtalady.
