Almaty – Alashtyń ainasy
Dóńgelek ústeldi ashyp bergen ýniversitet prorektory, professor Janatbek Eshenqojauly Ishpekbaev osy jyly IýNESKO deńgeiinde toilanýǵa sheshim qabyldanǵan ásem qala Almatynyń respýblika aýmaǵyndaǵy alatyn orny men barlyq ult ókilderin bailanystyratyn orta retinde qalanyń mańyzdylyǵyna erekshe mán berip ótti. Dóńgelek ústel barysynda Qazaqstan Respýbliksy Prezidenti arhivi, Muraǵat qorlaryn saqtaý jáne memlekettik esepti qamtamasyz etý basqarmasynyń basshysy Gaýhar Orazaiqyzy Bekisheva «Almaty tarihy – QR Prezidenti arhivi qujattarynda», t.ǵ.d., «Álem tarihy» kafedrasynyń professory Ázimbai Beisetbaiuly Ǵali «Eski jáne jańa Almaty: etnodemografiialyq ózgerister», t.ǵ.k., T.S.Sadyqov atyndaǵy Qazaqstan tarihy kafedrasynyń dotsenti Arnabai Ábishuly Nurjanov «Ońtústik astanamyz Almaty qalasyna 1000 jyl», «6D020300-Tarih» mamandyǵynyń 1 kýrs doktoranty Sanat Jýmabaevich Ainakýlov «Ásem qala Almaty – óner men mádeniettiń altyn ordasy», «6M050100-Áleýmettaný» mamandyǵynyń 1 kýrs magistranty Dúisenbaiqyzy Aitolqyn «Ortaǵasyrlyq Almaty qalasy: ótkeni men ótkeli», «5V011200-Himiia» mamandyǵynyń 2 kýrs belsendi stýdenti Amantaeva Sandýǵash «Babalar erligi – táýelsizdik bastaýy», «5V011600-Geografiia» mamandyǵynyń 1 kýrs belsendi stýdenti Bazarbekova Nursaia «Táýelsiz el- Máńgilik el» atty taqyryptarda baiandamalar jasap, Almaty qalasynyń tarihyn, álemdik arenadaǵy tuǵyryn jáne el ekonomikasyndaǵy áseri men ornyn aiqyndap bergendei boldy. Baiandamashylarǵa taqyryp boiynsha birneshe suraqtar qoiylyp, jaýaptary ortaǵa salyndy.
Dóńgelek ústeldiń baǵdarlamasyna orai Tárbie, áleýmettik jumystar jáne jastar saiasaty jónindegi basqarma bastyǵy Arman Úkiuly Abdyhalyqov, Basqarma bastyǵynyń orynbasary Qazyna Asanqyzy Bekbenbetova, Jaratylystaný jáne geografiia institýtynyń direktor orynbasary Nurlan Tursynbekuly Manapov, Tarih jáne quqyq institýtynyń direktor orynbasary Ǵalymjan Shámshidinuly Bitursyn myrzalar baiandamashylardyń pikirlerimen bólisýmen qatar, stýdentter men magistranttardyń suraqtaryna da jaýap qatyp, óz oilaryn ortaǵa saldy. Dóńgelek ústel sońynda qonaqtar men baiandamashylar jáne belsendi qatysqan bilim alýshylar ýniversitet basshylyǵy tarapynan marapattaldy.
