دوڭگەلەك ۇستەلدى اشىپ بەرگەن ۋنيۆەرسيتەت پرورەكتورى، پروفەسسور جاناتبەك ەشەنقوجا ۇلى ىشپەكبايەۆ وسى جىلى يۋنەسكو دەڭگەيىندە تويلانۋعا شەشىم قابىلدانعان اسەم قالا الماتىنىڭ رەسپۋبليكا اۋماعىنداعى الاتىن ورنى مەن بارلىق ۇلت وكىلدەرىن بايلانىستىراتىن ورتا رەتىندە قالانىڭ ماڭىزدىلىعىنا ەرەكشە ءمان بەرىپ ءوتتى. دوڭگەلەك ۇستەل بارىسىندا قازاقستان رەسپۋبليكسى پرەزيدەنتى ءارحيۆى، مۇراعات قورلارىن ساقتاۋ جانە مەملەكەتتىك ەسەپتى قامتاماسىز ەتۋ باسقارماسىنىڭ باسشىسى گاۋحار ورازاي قىزى بەكيشيەۆا «الماتى تاريحى – ق ر پرەزيدەنتى ءارحيۆى قۇجاتتارىندا»، ت.ع.د.، «الەم تاريحى» كافەدراسىنىڭ پروفەسسورى ءازىمباي بەيسەتباي ۇلى عالي «ەسكى جانە جاڭا الماتى: ەتنودەموگرافيالىق وزگەرىستەر»، ت.ع.ك.، ت.س.سادىقوۆ اتىنداعى قازاقستان تاريحى كافەدراسىنىڭ دوسەنتى ارناباي ءابىش ۇلى نۇرجانوۆ «وڭتۇستىك استانامىز الماتى قالاسىنا 1000 جىل»، «6D020300-تاريح» ماماندىعىنىڭ 1 كۋرس دوكتورانتى سانات جۋمابايەۆيچ ايناكۋلوۆ «اسەم قالا الماتى – ونەر مەن مادەنيەتتىڭ التىن ورداسى»، «6م050100-الەۋمەتتانۋ» ماماندىعىنىڭ 1 كۋرس ماگيسترانتى دۇيسەنباي قىزى ايتولقىن «ورتاعاسىرلىق الماتى قالاسى: وتكەنى مەن وتكەلى»، «5ۆ011200-حيميا» ماماندىعىنىڭ 2 كۋرس بەلسەندى ستۋدەنتى امانتايەۆا ساندۋعاش «بابالار ەرلىگى – تاۋەلسىزدىك باستاۋى»، «5ۆ011600-گەوگرافيا» ماماندىعىنىڭ 1 كۋرس بەلسەندى ستۋدەنتى بازاربەكوۆا نۇرسايا «تاۋەلسىز ەل- ماڭگىلىك ەل» اتتى تاقىرىپتاردا باياندامالار جاساپ، الماتى قالاسىنىڭ تاريحىن، الەمدىك ارەناداعى تۇعىرىن جانە ەل ەكونوميكاسىنداعى اسەرى مەن ورنىن ايقىنداپ بەرگەندەي بولدى. بايانداماشىلارعا تاقىرىپ بويىنشا بىرنەشە سۇراقتار قويىلىپ، جاۋاپتارى ورتاعا سالىندى.
دوڭگەلەك ۇستەلدىڭ باعدارلاماسىنا وراي تاربيە، الەۋمەتتىك جۇمىستار جانە جاستار ساياساتى جونىندەگى باسقارما باستىعى ارمان ۇكى ۇلى ابدىحالىقوۆ، باسقارما باستىعىنىڭ ورىنباسارى قازىنا اسان قىزى بەكبەنبەتوۆا، جاراتىلىستانۋ جانە گەوگرافيا ينستيتۋتىنىڭ ديرەكتور ورىنباسارى نۇرلان تۇرسىنبەك ۇلى ماناپوۆ، تاريح جانە قۇقىق ينستيتۋتىنىڭ ديرەكتور ورىنباسارى عالىمجان ءشامشىدىن ۇلى بيتۇرسىن مىرزالار بايانداماشىلاردىڭ پىكىرلەرىمەن بولىسۋمەن قاتار، ستۋدەنتتەر مەن ماگيسترانتتاردىڭ سۇراقتارىنا دا جاۋاپ قاتىپ، ءوز ويلارىن ورتاعا سالدى. دوڭگەلەك ۇستەل سوڭىندا قوناقتار مەن بايانداماشىلار جانە بەلسەندى قاتىسقان ءبىلىم الۋشىلار ۋنيۆەرسيتەت باسشىلىعى تاراپىنان ماراپاتتالدى.
