Medeý aýdanynyń ákimi Erkebulan Orazalin deneshynyqtyrý-saýyqtyrý kesheninde shaǵyn fýtbol, basketbol, voleibolǵa arnalǵan ámbebap sport zaly, 6 joldyq bassein, balalar basseini, júzýshilerge arnalǵan qurǵaq jáne kúsh synaityn zaldardyń bolatynyn baiandady.
Budan basqa Júzý, erkin kúres, dziýdo, aýyr atletika, shahmat sektsiialaryn ashý josparda bar eken. DSK paidalanýǵa berilgende bir aýysymda 149 bala qatysyp, sporttyq mashyǵyn shyńdai alady.
Ázirshe nysannyń tehnikalyq pasporttyń bolmaýyna bailanysty keshendi iske qosý múmkin bolmai tur. Muny nazarǵa alǵan qala ákimi Erbolat Dosaev tehnikalyq qujattamanyń jaǵdaiyn 2024 jyldyń qańtar aiynyń sońyna deiin retteýdi tapsyrdy. Óitkeni dene shynyqtyryý kesheniniń ashylýyn shaǵynaýdannyń 14 myńnan astam turǵyny taǵatsyzdana kútip otyr.
– Alataý shaǵynaýdanyndaǵy deneshynyqtyrý-saýyqtyrý kesheni shalǵaida jatyr. Eger nysan paidalanýǵa berilse, turǵyndary sporttyq infraqurylym qajettiligin ótei alady, – dep atap ótti Almaty qalasy ákimi.
Óz kezeginde qala basshysy keshenniń barlyq alańynda inkliýzivti orta qurý qajettigin de atap ótti.
Erbolat Dosaev sport basqarmasyna júzý sektsiiasynyń kestesinde erekshe qajettilikteri bar balalardyń sabaǵy úshin jetkilikti saǵat sanyn qarastyrýdy tapsyrdy.
Al Túrksib aýdanyndaǵy ekinshi nysan bir aýysymda 200 balany qamtýǵa eseptelgen. Mundaǵy jumystar 2022 jyldan bastap júrgizilýde. Jobalyq-smetalyq qujattamany ázirleýmen «KapRemProekt» merdigerlik uiymy ainalysqan. Qurylystyń bastalýy 2024 jyldyń maýsymyna josparlanǵan.
Joba sport basqarmasymen birlesip, jumys jasaityn jattyqtyrýshylardyń, Halyqaralyq júzý Federatsiiasynyń erejelerin jáne QR Ulttyq atqyshtar qaýymdastyǵynyń usynymdaryn eskere otyryp ázirlengen.
Sportshylar úshin 40 oryndyq 3 kiim aýystyratyn bólme qarastyrylǵan. Árqaisysynda jýynatyn bólme bolady. DSK-de 50 metrlik basseinnen basqa, meditsinalyq pýnkt, túgendeý jáne jattyqtyrýshy bólmesi, sondai-aq jylytý men daiyndyq zaly bar.
– Keshende gimnastika men kúsh jekpe-jegine arnalǵan badminton, tennis, gandbol siiaqty komandalyq sport túrlerine arnalǵan ámbebap zal qarastyrylǵan. Ekinshi qabatta atys alańy bolady. Jobanyń negizgi maqsaty – aýmaqty barynsha tiimdi paidalaný. Ǵimarattyń ózinde 4 kireberis bar, onyń bastysy fýtbol alańyna qaraidy. Eger dizain týraly aitsaq, onda barlyǵy haitek elementterimen minimalizm stilinde jasalǵan, – dep atap ótti «KapRemProekt» sáýletshisi Murat Saǵyndyqov.
Erbolat Dosaev «Aviator» stadionyndaǵy alańdy retke keltirýdi, sondai-aq DSK ǵimaratynyń sapaly qasbettik jumystaryn júrgizýdi tapsyrdy.
Qala basshysy jańa deneshynyqtyrý-saýyqtyrý keshenindegi bassein elimizdiń Sý sport túrleri federatsiiasynyń talaptaryna sáikes salynýy kerek ekenin eskertti. Óitkeni uiymnan ruqsat berý qujaty kez kelgen deńgeidegi, sonyń ishinde halyqaralyq deńgeidegi júzý boiynsha jarystar ótkizýge múmkindik beredi.
– Búginde qalada mundai oryndar jetispeidi. Buǵan sport basqarmasy qatysýy tiis, – dep atap ótti Almaty ákimi. Ol osy sport nysandaryna kelýshilerdiń qaýipsizdigin qamtamasyz etý máseleleri basymdyqta bolýy tiis ekenin atap ótti.
