Almaty ákimi Erbolat Dosaev Qytaidyń eksporttyq-importtyq bankiniń (Eksimbank) vitse-prezidenti Ian Dýnnin bastaǵan delegatsiiasymen kezdesý ótkizdi.
Taraptar infraqurylymdyq jáne jasyl jobalardy damytýǵa, qarjy naryǵyn keńeitýge, saýda-ekonomikalyq bailanystar men ózara týristik is-qimyldy tereńdetýge baǵyttalǵan ózara tiimdi yntymaqtastyqtyń perspektivalaryn talqylady.
Qalalyq kólik infraqurylymy (jańa metro jelilerin salý) salasyndaǵy negizgi jobalardy qarjylandyrý, jańa indýstriialyq jobalarǵa kóshe otyryp, ekonomikany ártaraptandyrý, jasyl jobalardy iske asyrý (QTQ óńdeý zaýytyn salý) jáne týrizmdi damytý máselelerine erekshe nazar aýdaryldy.
Kezdesý barysynda 2024 jyl Qytaidaǵy Qazaqstan týrizmi jyly, kelesi 2025 jyl Qazaqstandaǵy Qytai týrizmi jyly bolyp jariialanǵany atap ótildi. Aǵymdaǵy jyldyń birinshi jartyjyldyǵynda Almatyǵa Qytaidan 40 myńnan astam týrist keldi, bul ótken jyldyń sáikes kezeńimen salystyrǵanda 68% - ǵa kóp.
Sonymen qatar, sheteldik investitsiialardy tartýdaǵy qalanyń róli talqylandy. Aǵymdaǵy jyldyń birinshi jartyjyldyǵynda Almatyda tikelei sheteldik investitsiialardan 3,8 mlrd. AQSh dollary tartyldy. Almatynyń Qytaimen taýar ainalymy 9 aida. 2024 jyly - 5,6 mlrd. AQSh dollary (nemese QHR-men QR taýar ainalymynyń 28,9%).
Ian Dýnnin hanym jyly qabyldaǵany úshin alǵysyn bildirip, Eksimbanktiń megapolisti turaqty damytýǵa baǵyttalǵan birlesken bastamalardy qoldaýǵa daiyn ekendikterin atap ótti.
Sońynda taraptar indýstriialandyrýdy, kólik infraqurylymyn, qarjy naryǵyn jáne Almatynyń týristik áleýetin damytýdy qosa alǵanda, birlesken bastamalar sheńberinde jemisti yntymaqtastyqty jalǵastyrý nietin rastady.
